चलचित्र महोत्सवको दोस्रो अन्तिम दिन बिर्तामोड र बिराटनगरमा कार्यशाला

आन्तरिक मामिला तथा कानुन मन्त्रालय कोशी प्रदेशले आयोजना गर्ने ‘कोशी चलचित्र महोत्सव -२०८१’ यही जेठ ६ गतेबाट सुरु भएर ११ गते सम्म चल्ने चलचित्र महोत्सव -२०८१ को दोस्रो अन्तिम दिनमा बिराटनगर र बिर्तामोडमा एकसाथ दुई कार्यशाला सुरु भएको छ । मन्त्रालयको संचार बिभागले आयोजना गर्ने चलचित्र महोत्सव मंत्रालयको स्वीकृत बार्षिक कार्यक्रम अनुसार सुरु भएको महोत्सवमा हरेक दिन बिभिन्न फरक फरक कार्यक्रम हरु हुँदै आएका छन ।

कार्यक्रमको तालिका अनुसार आज बिहीवार बिराटनगरमा दुई दिने अभिनय कार्यशाला सुरु भएको छ । जुन कार्यशालालाई चर्चित कलाकार भोलाराज सापकोटाले सहजीकरण गर्दैछन । कार्यशाला बिराटनगर स्थित होटल स्टर्न स्टार मा जेठ १० गते र ११ गते हुँदै छ । उक्त्त कार्यशालामा सहभागी हुन पैसा लाग्दैन । यसैगरी आजनै बिर्तामोडमा पनि अन्तर्कृया कार्यक्रम भएको छ । बिर्तामोडको होटल रुस्किममा आयोजित चलचित्र र पर्यटन कार्यक्रम बिषयक अन्तर्कृया कार्यक्रममा स्थानिय कलाकार पर्यटन ब्यबसायी र सम्बन्धित व्यक्तीहरुको उपस्थित रहेको थियो ।

कोशी प्रदेशको कला, सँस्कृति तथा मनमोहक स्थलहरुको जानकारी गराउने उदस्यले ६ दिने चलचित्र महोत्सव भोली जेठ ११ गते समापन हुँदै छ । ‘विभिन्न जातजातीहरुको कथाहरुको उत्सव , कोशी चलचित्र महोत्सव’ भन्ने मुल नारा सहित जारी ६ दिने चलचित्र महोत्सव अन्र्तगत पाँचौ दिन अभिनयको कार्यशाला सुरु भएको हो । आयोजित महोत्सवमा ४ दर्जन बढी लघु , बृत्त, फिचर फिल्महरु पुर्वका विभिन्न हलहरुमा निशुल्क प्रदर्शन गरिएको छ । यस अघि चलचित्र महोत्सवमा चलचित्र प्रदर्शनीसँगै सिने पर्यटन क्षेत्र सम्बन्धी विविध अन्तक्रिया लगायतका कार्यक्रमहरु भएका छन् । यसैविच भोली जेठ ११ गते पहिलो महिला चलचित्र निर्देशक सुचित्रा श्रेष्ठ र संगिता श्रेष्ठले नेपाली चलचित्रमा महिला अन्तक्रिया कार्यक्रम रहेको चलचित्रकर्मी महासंघ कोशी प्रदेशका अध्यक्ष अरुणकुमार प्रधानले जानकारी दिनुभयो । भोली जेठ ११ गते शुक्रबार विराटनगरको सिटी प्यालेसमा एक भव्य समारोह विच समापन हुदैछ ।