‘फर्की फर्की ‘ ट्रेलरको रेकर्ड, रिलिज भएको २४ घण्टामै मिलियन भ्युज

यही जेठ १० गतेबाट प्रदर्शनमा आउन लागेको बहुप्रतिक्षित चलचित्र ‘फर्की फर्की’ ले पहिलो चरणमै रेकर्ड ब्रेक गरेको छ । प्री- टिजर रिलिज बाट नै चर्चामा रहेको ‘फर्की फर्की’ को ट्रेलर रिलिज भएको २४ घण्टा नपुग्दै मिलियन भ्युज पाएको छ । सम्भवत यो नेपाली चलचित्र क्षेत्रमा यो नयाँ रेकर्ड हुन सक्छ । यहाँबाट प्रस्ट हुन्छ कि अनमोलको फिल्म कती प्रतिक्षित रहेछ भन्ने । मेगा स्टार अनमोल केसी अभिनिती ‘फर्की फर्की’ मा जसिता गुरुङ अनमोलको जोडी को रुपमा छिन । लगभग दुई बर्षको अन्तरालमा पुन पर्दामा देखिएका अनमोल दर्शकहरुको प्रतिक्षित  हुन । मेगा स्टार केसीले सिमित फिल्ममा काम गरिरहेका छन । उनको यो ‘फर्की फर्की’ पनि एक प्रतिक्षित प्रोजेक्ट हो । केही बर्षदेखी पेट मिची मिची हासेका दर्शकहरुले अब धेरै समय पछी लव स्टोरी फिल्म हेर्न पाउने भएका छन । यसका लागी जेठ १० गते कुर्नु पर्ने भएको छ ।

औपचारिक फिल्म निर्माण घोषणा अघीनै टिजर खिचेर दर्शकहरुको ध्यान खिचेको ‘फर्की फर्की’ को बिहीवार ट्रेलर रिलिज भएपछी दर्शकहरुको प्रतिक्षित फिल्म बनिसकेको छ । लवर व्वाय अनमोल हरेक नेपाली युवाहरुको ढुक ढुकी बनेकाछन । अभिनयमा कमजोरी भएको आरोप खेप्दै आएका अनमोलले यो फिल्ममा गज्जबको काम गरेको भान हुन्छ । फिल्ममा अनमोलको अपोजिटमा लिली बिली, लव स्टेशन जस्ता हिट फिल्म दिएकी जसिता गुरुङ छिन । टिपिकल लव स्टोरी फिल्ममा आकर्षण, रोमान्स अनी बियोग लाई निर्देशक तथा लेखक सुयोग गुरुङले गज्जबले प्रस्तुत गरेकाछन । ट्रेलरमा हेर्दा अनमोलले आफुलाई भगवान ठानेकाछन ।

छ माया छप्प्क्कै जस्ता सुपर हिट फिल्म निर्माण गरेका निर्माता रोहित अधिकारीले निर्माण गरिएको ‘फर्की फर्की’ दर्शकहरुको प्रतिक्षित फिल्म बनिसकेको छ । निर्माता रोहित अधिकारीले आफूहरुले गरेको मेहनतलाई दर्शकले स्वीकार्ने बताए । ओएरआर डिजिटलसँगको सहकार्यमा रोहित अधिकारी फिल्मको प्रस्तुति रहेको फिल्म जेठ १० गतेबाट रिलिज हुँदैछ । सुयोगकै कथा एवं पटकथा रहेको फिल्मको निर्माता ओमप्रकाश अग्रवाल हुन् । मनोज वली र रामु न्यौपाने सह¬–निर्माता, अरूण रिजाल एसोसियट निर्माता रहेको फिल्ममा मोती कार्की र अनिरूद्र गिरी कार्यकारी निर्माता छन् । नरेन्द्र मैनालीको डिओपी रहेको फिल्मको सम्पादक सुरेन्द्र पौडेल हुन् ।सुयोगकै कथा तथा पटकथा रहेको फिल्ममा मनोज ओली र रामु न्यौपाने सह–निर्माता  छन्  ।