म्याजिक सिनेमा झुम्काले ‘डिग्री माइला’ हेर्न आउनेलाई टिकटमा छुट दिने

सुनसरीको झुम्कामा रहेको म्याजिक सिनेमा हलले यही चैत्र ३० गतेबाट प्रदर्शनमा आउन लागेको नेपाली चलचित्र ‘डिग्री माइला’ र अन्य नेपाली चलचित्र हेर्न आउने दर्शकहरुको लागी बिशेष छुट दिने भएको छ । सिनेमाको अफिसियल फेसबुकमा एक सुचना प्रकाशित गरी डिग्री माइला र अन्य नेपाली चलचित्रहरु हेर्न आउने दर्शकहरुको लागी हरेक टिकटमा रु ५० रुपैया छुट दिने हल संचालक पर्शुराम चौधरीले जानकरी दिए । यो छुट एक महिना सम्म चल्ने छ । सिनेमा हेर्ने हालको टिकट दर रु २०० रुपैया रहेको छ । नयाँ बर्षको अवसरमा प्रतिक्षित चलचित्र ‘डिग्री माइला’ हेर्न दर्शकहरु उल्लेख्य मात्रामा आउने विश्वाश गर्दै नेपाली चलचित्र हेर्ने दर्शकहरुलाई केही राहत मिलोस भन्ने हेतुले छुट दिएको चौधरीले बताए । यो अफर हिन्दी सिनेमा या अन्य सिनेमामा लागुहुनेछैन चौधरीले भने ।

थारुभाषा चलचित्रका सुपरस्टार परशुराम चौधरीले हल संचालन भएदेखि नै नेपाली चलचित्रलाई विशेष महत्व र स्थान दिएर प्रदर्शन गर्ने र गराउने गरेका छन । म्याजिक सिनेमा हलमा हिन्दी फिल्म लागेको हलमा दर्शक भरिभराउ हुने गरेको र नेपाली फिल्म लागेको हलमा केही असहजता भएपनी राम्रो नेपाली चलचित्र आउँदा दर्शकहरु आउने गरेको चौधरीले बताए । साथै चौधरीले यस बर्षदेखी गाइघाटमा पनि दुईओटा पर्दा भएको हल लिएका छन । उनले यो हललाई अब चाडैनै पुननिर्माण गरेर मलिटिप्लेक्स हल बनाउने बताए ।

बर्ष २०८१ को प्रारम्भमा प्रदर्शनमा आउन लागेको चलचित्र ‘डिग्री माइला’ यतिबेला प्रदर्शनको तयारीमा रहेको छ, दर्शकहरुको प्रतिक्षित फिल्म बनिसकेको छ । बासुरी फिल्मसले यो पटक पुर्वको एक गाउको कथालाई अझ भनु गाउको एक माइला जस्ले डीग्री पास गरेका छन उनैको कथालाई फिल्म ‘डीग्री माइला’मा उतारेको छ । दयाहाङ राई चलचित्रका मुख्य पात्र हुन । उनी डिग्री पास गरेर गाउ छिरेपछीको कथालाई फिल्ममा उतारिएको कुरा आज रिलिज भएको ट्रेलरले स्पस्ट पारेको छ । ओखलढुङगाकै एक +२ कलेज स्कुलमा अंग्रेजी बिषय पढाउने शिक्षकको अभाव हुँदा बिधार्थीहरु परिक्षा लेख्न बन्चित हुने अवस्थामा पुगेको बेला +२ क्याम्पस जोगाउन अंग्रेजी बिषय पढाउने शिक्षक खोजिरहेको बेला गाउमा दयाको इन्ट्री हुँदा आउन उतार चढावलाई फिल्मले गज्जबले प्र्स्तुत गर्ने अनुमान लगाउन सकिन्छ । ट्रेलरमा एक मात्र पात्रका रुपमा दयाहाङलाई प्रस्तुत गरिएको छ ।