सन्तोषको ‘बलिदान’ को छायांकन पुर्वमाहुने सम्भावना, पाथिभरामा पोस्टर पूजा गरियो

चर्चित चलचित्र निर्माता, निर्देशक तथा कलाकार सन्तोष सेनको निर्देशन रहेको ड्रीम प्रोजेक्ट चलचित्र ‘बलिदान’ को छायांकनमा कोशी प्रदेशको बिभिन्न स्थानमा हुने सम्भावना रहेको छ । निर्देशक सेन सहित निर्माण बिहीवार इटहरी आएर इटहरीमा निर्माण हुँदै गरेको बिएमसी छायाङ्कन स्टुडियोमा भ्रमण गरेकाछन । सेनका अनुसार स्टुडियोमा भव्य सेट तयार भइरहेको छ। सो स्टुडियोको उद्घाटन नै बलिदानबाटहुने सेनको भनाइ छ। टिमले कोशी प्रदेशको चारकोशी जङगल र तराइका गाउहरुमा मधेस प्रदेशका केही स्थानहरुमा भ्रमण गरेको छ । लगत्तै टिम पुर्वको चर्चित धार्मिक स्थल ताप्लेजुङको पाथीभरा गएर बलिदान लेखेको पोस्टर राखेर ‘पाथिभारा माताले हामी सबैको रक्षा गरुन…।॥॥॥’ भन्दै आफ्नो फेसबुकमा पोस्ट गरेकाछन । सम्भव भए र हामीले खोजेको जस्तो घना जङगल हरु पुर्वमा भेटिए यही शुटिङ गर्नेछौ नत्र भने मधेस प्रदेशको विरगन्ज जाने सेनले भने ।

आसुसेन फिल्म्स प्राली तथा सन्तोष सेनको प्रस्तुती रहने यस चलचित्रमा निर्देशकको जिम्मेबारी निर्माता/ निर्देशक सन्तोष सेनलाई , निर्माताको रुपमा पवन ब्राडफोर्ड बिष्ट तथा लेखकको भूमिकामा त्रिविका प्रोफ़ेसर , लेखक एवम् साधक दर्शन जी, स्क्रिप्ट डक्टरको रुपमा मनोज पण्डित, कार्यकारी निर्माता तर्फ चक्र ब. चन्द र प्रेम पुरी रहनेछन । प्रेम गीत सिरिजको तेस्रो संस्करण सम्म हिट भएको र प्रेम गीत -४ को निर्माणगर्ने सबैको अडकल बाजी भएपनी सेनले अब प्रेम गीत -४ निर्माण थाती राख्दै ‘बलिदान’ निर्माण गर्ने घोषणा गरेका हुन । फिल्ममा सौगात मल्ल, अर्पण थापा, ऋचा शर्मा डेव्यु अभिनेता समिर भट्ट अनुबन्ध भैसकेकाछन । समिर चर्चित नायक बिराज भट्टका छोरा हुन । सिनेमा आउने बर्ष २०८१ को दसैंमा विश्वव्यापी रिलिज गर्ने तयारी रहेको छ ।