जेठ १० गते बुद्ध जयन्तीको दिन ‘पुजार सार्की’ विश्वव्यापी रिलिज हुने

बर्ष ८१ को प्रतिक्षित चलचित्र ‘पुजार सार्की’ अर्को बर्ष अर्थात २०८१ को जेठ १० गते विश्वव्यापी रिलिज हुनेभएको छ । जेठ १० गते बिहीबार बुद्ध जयन्तीको दिन पारेर चलचित्र ‘पुजार सार्की’को रिलिज गरिने निर्माण टिमले जनाएको छ । चलचित्र नेपालसहित विश्वव्यापी रूपमा एकसाथ रिलिज हुने निर्माण टिम जानकारी दियो । निर्माता र नेपाल तथा अन्तर्राष्ट्रिय वितरकको आपसी सल्लाह बमोजिमनै जेठ् १० गतेको तिमी तय गरिएको निर्माण टिमको भनाइ छ । मुख्य कलाकार प्रदीप खडकाको जन्मदिन पारेर पहिलो पोस्टर रिलिज गरिएको थियो भने दोस्रो पोस्टर पल शाहलाई प्रस्तुत गरिएको थियो । आज भने एकैसाथ दुई पोस्टरहरु सार्वजननिक गरिएको छ । सार्वजनिक भएको एक पोस्टरमा फिल्मका मुख्य कलाकार हरु आर्यन सिग्देल , पल शाह र प्रदिप खडका एक चौतारीमा बसेर मजा सँग गफिएका छन । बिचमा बसेर हाउभाउ सहित आफ्ना कुराहरु सुनाइरहेका पललाई आर्यन र प्रदीपले हास्दै बढो प्रफुल्लित मुद्रामा सुनिरहेका छन ।

अर्को पोस्टरमा प्रदीपले परम्परागत बाजा दमाह बजाउदै गरेको देखिन्छन भने साइड साइडमा दुई नायक पल र आर्यन प्रफुल्लित मुद्रामा देखिन्छन । यो पोस्टरले फिम जातिय बिभेद बिषयमा निर्माण भएको अनुमान लगाउन सकिन्छ ।चर्चित फिल्म प्रकाश लेखक बिकास सुवेदीको लेखन, दिनेश राउतको निर्देशन र सुभाष भुषालले निर्माण गरेको ‘पुजार सार्की’ मा तिन चकलेटी हिरोहरु आर्यन सिग्देल, पल शाह र प्रदीप खडकालाई एउटै फ्रेममा देखिदैछन । यी तीन स्टारले पहिलोपटक एकसाथ काम गरेकाले पनि ‘पूजार सार्की’ निर्माण अगावैदेखि चर्चामा छ । सिनेमालाई आगामी वर्षको जेठ पहिलो साता प्रदर्शन गर्ने तयारी छ ।कास्की जिल्लाको कास्कीकोटमा छायांकन भइरहेको सिनेमामा अन्जना बराइली, परीक्षा लिम्बु, मोहन निरौला, लोकेन्द्र लेखक, सुबास गजुरेल, विद्या कार्की, तारा शर्मा, प्रेम सुब्बा, शंकर आचार्य लगायतका कलाकारको पनि अभिनय छ ।