‘खजुरे ब्रो’ को पहिलो गीत रिलिज, रेयर राई खजुरेकै गेट अपमा

धरानकै सेरोफेरोको कथालाई आधार मानेर निर्माण गर्न लागेको ‘खजुरे ब्रो’ को पहिलो गीत सार्वजनिक भएको छ । धरानका गल्लीमा सबैलाई मनोरन्जन दिदै हिंड्ने सबैले चिनेका व्यक्ती खजुरेको जीवन शैलीलाई टपक्क टिपेर निर्माण गरिएको खजुरे ब्रो को पहिलो गीतमा अनमोल गुरुङको संगीत रहेको छ । गीतमा खजुरे को भुमिकामा रेअर छन । उनलाई खजुरेकै गेट अपमा प्रस्तुत गरिएको छ । धरानमा गल्ली गल्लीमा भेटिने खजुरेले लगाउने गरेको धेरै ठाउँमा टालेको जिन्स पेण्ट सर्ट, कालो टि शर्ट एउटा रुद्राको माला, लामो लामो कपाल अनी होटलमा बसेर जाडको ड्रममै फलामको ठुलो पाइपले तोङ्बा खाने गरेको सबै गतिबिधी रेयरले गरेका छन ।

एउटा साधारण खाजा घरबाट सुरु भएको एक रोमान्टिक डान्सिङ गीतमा ४ जना साथीहरु माध्यपान गरेर नाचेको र सडक सडकमा हातमा रक्सी को बोतल , खजुरेले बासको तुङ्बा बोकेर नाचेको देखाइएको छ । भिडियो हेर्दा खजुरेलाई चिन्ने जो कोहीले एक पटक उनलाई सम्झने छन । धरानमा करिब ९० प्रतिशत छायांकन गरिएको ‘खजुरे ब्रो’ धरानकै कथा बस्तु भएकाले पनि खजुरे ब्रो क कथा हो भन्ने स्पस्ट गीतले पारेको छ । फिल्म बैशाख २८ गते देश्व्यापी प्रदर्शनमा आउँदैछ ।

‘खजुरे ब्रो’ को लेखक तथा निर्देशक सुरज सुनुवार हुन । दिव्य दृश्य इन्टरटेन्टमेन्टको ब्यानरमा निर्माण हुने सिनेमा कमेडी जनरामा आधारित रहने बताइएको छ । नबीन मानन्धर र सुरज सुनुवारले निर्माण गर्ने सिनेमाका कार्यकारी निर्माता डायमण्ड उप्रेती हुन् ।शिशिर बिशंखेले छायांकन गएका छन । सिनेमाको छायांकन इटहरी, धरान, दार्जलिंग र काठमाडौंमा भएको छ । ‘ अहिलेको दर्शकहरुको चाहना अनुसार पूर्ण मनोरञ्जन दिने उदेश्यका साथ सिनेमा निर्माण गर्न लागेको कलाकार तथा निर्माता नबीन मानन्धरले बताए । सिनेमामा अनमोल गुरुङको संगीत रहनेछ । प्रकाश भुजेल प्रोडक्सन म्यानेजर तथा प्रदीप भण्डारी लाइन प्रोडुसर हुन ।