याक्थुङ चलचित्रकर्मी संघले आयोजना गरेको ७ दिने कार्यशाला सम्पन्न

याक्थुङ चलचित्रकर्मी संघ नेपाल केन्द्रिय कार्यलय धरानले आयोजना गरेको एक हप्ते चलचित्र निर्माण तथा अभिनय सम्बन्धी कार्यशाला सम्पन्न भएको छ । गत चैत्र ११ गतेबाट सुरु भएको एकहप्ते कार्यशाला धरान १५ बगरकोट स्थित मेन्याङ्वो कल्याणकारीको सभाहलमा चैत्र १७ गते शनिबार सम्पन्न भएको छ । कार्यशालामा ३५ जना प्रशिक्षार्थीहरु सहभागी थिए । कार्यशालालाई मुन्धुमविद्द तथा कलाकार याशेली योङ्हाङ, कलाकार तथा निर्देशक प्रेम सुब्बा, अनाम रङ मन्च धरानका अध्यक्ष निर्देशक बिजय सुब्बा तथा कलाकार तथा निर्माता यक्थुङ चलचित्रकर्मी संघका केन्द्रिय अध्यक्ष नबिन मेन्याङ्बोले सहजीकरण गरेका थिए । एक हप्ते कार्यशालामा चलचित्र निर्माण, अभिनय ,स्क्रिप्ट लेखन , क्यामेरा चलाऊने चलचित्र निर्देशन , सम्पादन लगायत कुराको आधारभुत ज्ञानहरु प्रदान गरिएको याक्थुङ चलचित्रकर्मी संघका केन्द्रिय सचिव उदय कुरुम्बाङले जानकारी दिए ।

कार्यशालालाई एक हप्ता सम्म चारजना प्रशिक्षकले बिभिन्न बिषय छुटाएर सहजीकरण गरेका थिए । कार्यशालामा नव कलाकारहरु देखी लिएर दुई तीन दशकदेखी चलचित्र क्षेत्रमा लागेका कलाकारहरुपनी सिक्नका लागी कक्षामा बसेको सचिव कुरुम्बाङले बताए । कार्यशालाको अन्तिम दिन १७ गते एक औपचारिक कार्यक्रम गरी समापन गरिएको थियो । समापन कार्यक्रममा प्रमुख अतिथी धरान उपमहानगरपालिका वडा नम्बर १५ का वडा अध्यक्ष नरेश इवारम थिए । कार्यक्रममा कार्यशालामा सहभागी रहेका १५ जना प्रशिक्षार्थीहरुलाई प्रमाण पत्र प्रदान गरिएको थियो । प्रमाण पत्र कार्यक्रमका प्रमुख अतिथी बिशेष अतिथीहरुको हातबाट प्रदान गरियो । कार्यक्रममा बोल्दाइ प्रमुख अतिथी वडा अध्यक्ष नरेश इवारमले धरानमा केन्द्रिय कार्यलय भएको याक्थुङ चलचित्रकर्मी संघले चलचित्र सम्बन्धि गतिविधि हाम्रो धरान अझ आफ्नै वडामा गरिरहेको ले निकै खुशी लागेको बताए । कला समाजको ऐना भएकोले चलचित्रसम्बन्धी गतिविधी हुनु राम्रो कुरा भएको सुनाए । उनले अगामी दिनहरुमा याक्थुङ चलचित्रकर्मी संघलाई सहयोग गर्ने प्रतिवद्द्त्ता जनाए । उनले वडामा अगामी आर्थिक बर्षमा संघले प्रस्तवना पत्र लिएर आउन आग्रह समेत गरे ।

कार्यक्रमका सभापती तथा याक्थुङ चलचित्रकर्मी संघका अध्यक्ष नबिन मेन्याङबोले याक्थुङ चलचित्रकर्मी ले दुइ बर्ष भित्र लगभग दर्जन बढी कार्यक्रम हरु सम्पन्न गरेको बताए । उनले अग्रजलाइ सम्मान र नव आगन्तुकलाइ प्रोत्साहन गर्नपर्छ भन्ने उद्देश्य साथ संघ निरन्तर लागी परेको बताए । उनले याक्थुङ चलचित्रकर्मी को मात्र नभएर अन्य चलचित्रकर्मीहरुलाइ पनि सहयोग गर्दै आएको सुनाए । हामीले धेरै सपना देखेका छौ, योजना धेरै छ, समस्या हरु हुदाहुदै पनि सामना गरेर अगाडी बढ्ने छौ, हामी आन्दोलनमा छौ, नेपाली चलचित्र उधोग कुन गतीमा हिडेको छ कसरी चल्न पर्छ भन्ने खोजिको आन्दोलनमा छौ ,बिश्व बजारमा नेपाली चलचित्र हेर्ने सक्ने बनाउन निर्माण गर्नुपर्छ, नेपाली स्वाद भएको फिल्म बनाउन पर्छ , आफ्नै गाउ घर , आफ्नै कथा बिश्व चलचित्र बजारमा भर्जिन हुन सक्ने मेन्याङबो को दावी छ । मेन्याङ्बोका अनुसार हाल संघमा १५० भन्दा ज्यादा कृयाशिल सदसहरु रहेका छन । कार्यकक्रममा पुर्व सांसद जयकुमार राइ, एमाले नेता मुरारी सुवेदी, नारायण सुवेदी, कलाकार रितेश जङ खत्री, किशोर सम्बाहाम्फे लगायतको उपस्थित रहेको थियो ।