रुम्जाटारका माइला जस्ले डिग्री पास गरे, फुर फुर यस्तो छ ट्रेलरमा

नेपाली समाजमा एउटा उखान छ, घुमिफीरी रुम्जाटार । रुम्जाटार कोशी प्रदेशको ओखलढुङ्गा जिल्लामा पर्छ । प्राय सुदुर पश्चिमको स्थानिय रहन सहनलाई टपक्क टिपेर फिल्म निर्माण गर्ने गरेको बासुरी फिल्मसले यो पटक पुर्वको एक गाउको कथालाई अझ भनु गाउको एक माइला जस्ले डीग्री पास गरेका छन उनैको कथालाई फिल्म ‘डीग्री माइला’मा उतारेको छ । दयाहाङ राई चलचित्रका मुख्य पात्र हुन । उनी डिग्री पास गरेर गाउ छिरेपछीको कथालाई फिल्ममा उतारिएको कुरा आज रिलिज भएको ट्रेलरले स्पस्ट पारेको छ । ओखलढुङगाकै एक +२ कलेज स्कुलमा अंग्रेजी बिषय पढाउने शिक्षकको अभाव हुँदा बिधार्थीहरु परिक्षा लेख्न बन्चित हुने अवस्थामा पुगेको बेला +२ क्याम्पस जोगाउन अंग्रेजी बिषय पढाउने शिक्षक खोजिरहेको बेला गाउमा दयाको इन्ट्री हुँदा आउन उतार चढावलाई फिल्मले गज्जबले प्र्स्तुत गर्ने अनुमान लगाउन सकिन्छ । ट्रेलरमा एक मात्र पात्रका रुपमा दयाहाङलाई प्रस्तुत गरिएको छ । तर दयाले गाउले हरुको अपेक्षा सपनालाई उपेक्षा गरेको ट्रेलरमा स्पस्ट देखाइएको छ ।

नेपाली चलचित्र निर्माण गर्ने चर्चित व्यानर बासुरी फिल्म्स प्रोडक्सनको ब्यानरमा निर्माण भएको ‘डिग्री माइला’ थर्ड क्लास’ रामबाबु गुरुङले निर्देशन गरेकाछन । २०७१ सालमा मण्डला थिएटर साथै धरानमा तीनपटकसम्म मञ्चन भएको अभिनेता दयाहाङ राईले निर्देशन गरेका नाटक ‘डिग्री माइला’ नाटकको आइडियामा केन्द्रित रहेर सिनेमा निर्माण भएको हो । गत असोज ५ गतेबाट ओखलढुङ्गास्थित रुम्जाटारबाट सुरु भएको छायांकन पहिलो र दोस्रो चरणको छायांकन मंसिरमा काठमाडौं र ओखलढुङ्गामा गरेर सम्पन्न गरेको थियो । शैक्षिक बेरोजगारीले युवाहरुमा ल्याएको निराशामा आधारित भएको नाटक पनि यही विषयमा केन्द्रित थियो । यही चैत्र ३० गते नयाँ वर्षलाई सिनेमाको प्रदर्शन मिति घोषणा गरिएको छ । ‘डिग्री माइला’मा मुख्य कलाकारहरु दयाहाङ राई र आँचल शर्मा, विजय बराल, माओत्से गुरुङलगायतको अभिनय रहेको छ ।