‘महाजात्रा’ हाम्रो लागी महापर्व सरह हुनेछ – पुर्वका सिनेमाहल संचालकहरु

चैत्र ९ गतेबाट विश्वव्यापी प्रदर्शनमा आउन लागेको चलचित्र ‘महाजात्रा’ लाई लिएर कोशी प्रदेशका सिनेमा हल संचालकहरु निकै उत्साहित छन । यती बेला देशमात्र हैन बिदेश सबै तिर ‘महाजात्रा’ मय भैरहेको छ । नेपाली चलचित्र बजारमा प्रतिक्षित बनेको चलचित्र ‘महाजात्रा’ चैत्र ९ गतेबाट विश्वव्यापी रुपमा प्रदर्शनमा आउन लागिरहदा चलचित्र निर्माण टिम, दर्शकहरु मात्र हैन सिनेमाहल संचालकहरु पनि निकै खुशी र उत्साहित छन । २ अगाडी बुकिङ खुले सङै आक्रमक बुकिङ पनि भैरहेको छ । यती बेला कोशी प्रदेशमा रहेका सिनेमा हल संचालकहरु निकै उत्साहित र खुशी देखिन्छन । नेपालि सिने जगतमा तिहारमा रिलिज भएको ‘दिमाग खराब’ पछि कुनै पनि नेपाली फिल्मले हलमा दर्शक फर्काउन र हल हाउसफुल हुने कुनै पनि फिल्म नआएर यति बेला हल संचालकको दिमाग खराब भैरहेको अबस्थामा यतिबेला सिक्केवल फिल्म माहाजात्राले हल तताउनेमा आफुहरु ढुक्क रहेको क्फ्क्स बिर्तामोडका म्यानेजर केदार बस्नेत बताउछन । किनकि नेपाली फिल्मी जगतमा सिक्वेल फिल्म फल्प भएको कुनै पनि उदाहरण छैन । तसर्थ यस फिल्मले अवश्य हलमा दर्शक फर्किन्छन भन्नेमा विश्वस्त छौ बस्नेतले थपे । फिल्महरू बिभिन्न बिषय बस्तुमा तयार हुन्छन तर जात्रा फिल्म सधै कमेडी बिषय बस्तुमा तयार भएको फिल्म भएकोले दर्शकले भरपुर आनन्द लिनु हुनेछ र दर्शकको पैसा असुल फिल्महुनेमा आफु ढुक्क बस्नेतको दावी छ ।

पाथिभरा सिनेप्लाजाका म्यानेजर मिन कुमार श्रेष्ठको पनि महाजात्रा प्रती ठुलो आशा र अपेक्षा छ । उनी भन्छन यो बर्षको राम्रो चलचित्र अनी कलेक्सन राम्रो गर्ने चलचित्र ‘महाजात्रा’ बन्ने छ । हाम्रो आसा धेरै छ, राम्रो हुनुपर्ने हो हाम्रो अपेक्षा र सोचेजस्तो नभएपनी दर्शकहरुले धमाधम बुकिङ गरिरहेकोले राम्रोहुनेमा ढुक्क छौ । डिम्याक्स सिनेमाका म्यानेजर बुद्दी पाण्डेको पनि महाजात्रालाई लिएर निकै ठुलो अपेक्षा छ । जात्रा , जात्रै जात्र को सिक्वेल ‘महाजत्रा’ ले पनि महाजात्रा गर्नेमा बिश्वास छ उनले भने । महाजात्रा हाम्रो लागी महापर्व जस्ताइ भएको छ , त्यसैले पनि हामीले ९ गते आउनु भन्दा अगाडी ३ दिन सम्म हल सरसफाइ र रिनोभेसन गरेर महाजात्रा प्रदर्शन गर्न तयारछौ उनले भने । हल रिनोभेसन पछी हल खुल्न साथ अग्रीम बुकिङ राम्रो भएको छ, बेलुकीको शो पुरापुरी हाउस फुलनै हुने वाला छ । नेपाली चलचित्र हरु प्राय बक्स अफिसमै आएर क्यास लिने भएकाले राम्रो हुने मा आफु हरु ढुक्करहेको पाण्डेको भनाइ छ ।

प्रदीप भट्टराईको लेखन निर्देसन रहेको जात्रा सिरिज ब्राण्ड नै भैसकेकाले दर्शकहरुले फिल्म छुटाउनै नचाहेकोले होला अहिले बुकिङ आक्रमक गैरहेको इलाइट सिनेमा इटहरीका म्यानेजर नवराज केसीको भनाइ छ । अहिले महाजात्रा मय भैसकेकोले दर्शकहरुको पर्खाइ बनेको छ भन्ने लागेको छ, जारी पछी राम्रो अकुपेन्सी हुनेमा हामी विश्वाश रहेको केसीले सुनाए । यता फ्रेन्ड्स सिनेमाज धरानका म्यानेजर सन्देश घिमिरेपनी महाजात्रा प्रदर्शनको लागी आफुहरु बेग्र प्रतिक्षामा रहेको बताउछन । महाजात्राको लागी धेरै दर्शकहरुले सोधी खोजी गरेको देख्दा दर्शकहरुको प्रतिक्षा निकै छ भन्ने आफुहरुलाई लागेकाले बिहानइ देखी ४ वटा शो दिएका छौ , धरानमा एउटा मात्र हल भएको ले पनि दर्शकहरुको माग ध्यानमा राखेर शो थपिने पनि उनले बताए । धरान मा महाजात्रा ले अहिले सम्मको सवै रेकर्ड तोड्नेमा आफु ढुक्क भएको घिमिरे बताउछन ।

महाजात्रा बिराटनगर को सेन्ट्रल प्लाजा, QFX भाटभटेनी लगायतमा पनि आक्रमक बुकिङ रहेको छ । देशभरका हलहरुमा निकै उत्साजन बुकिङ भएकोले निर्माण टिम यतिबेला खुशी छन । नेपालगन्जमा पहिलो पहिलो शो हरु सबै हाउसफुल भैसकेका छन । टिजर , ट्रेलर गीत सबै उत्कृष्ट र अब्बल देखिएको ‘माहाजात्रा’ ले काठमाण्डौमा भएको प्रिमियर शो मा उत्कृष्ट प्रतिकृया पाइ सकेको छ । यसैकारण पनि सम्पूर्ण नेपाली चलचित्र हेर्ने दर्शकहरुको प्रतिक्षित फिल्म बनिसकेको छ । सिनेमामा अर्जुन जंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतको पनि अभिनय रहने छ । आगामी चैत ९ गते ‘महाजात्रा’ नेपालसँगै विश्वभर एकसाथ प्रदर्शन हुनेछ ।