खजुरे ब्रो – छायांकन,पोस्टर रिलिज, कलाकार सार्वजनिक रिलिज मिती घोषणा धरानमा

‘धरानकै सेरोफेरोको कथालाई आधार मानेर निर्माण गर्न लागेको ‘खजुरे ब्रो’ को महत्वपूर्ण सम्पूर्ण काम धरानमा गरिएको छ । धरानमा करिब ९० प्रतिशत छायांकन गरिएको ‘खजुरे ब्रो’को फर्स्ट लुक्स शनिबार धरान रन मा सार्वजनिक गरियो । फर्स्ट लुक्स संगै फिल्मका मुख्य कलाकारहरु र रिलिज मिती पनि सार्वजनिक गरिएको छ । धरानको मुख्य चौक भानुचोकमा हजारौ धरानेहरुको अगाडी पोस्टर सार्वजनिक गरिएको हो । धरानकै कथा बस्तु भएकाले धरानबासीको सम्मानका धरानै आएर पोष्टर तथा प्रदर्शन मिति सार्वजनिक गरिएको कलाकार तथा निर्माता नवीन मानन्धरले बताए । फिल्म अर्को बर्ष बैशाख २८ गते देश्व्यापी प्रदर्शनमा आउँदैछ ।

८ बर्ष अघि सिनेमा ‘षडङ्ग’को निर्देशन गरेका निर्देशक सुरज सुनुवारले ‘खजुरे ब्रो’ निर्देशन गर्ने भएकाछन । ‘खजुरे ब्रो’ को लेखक पनि निर्देशक सुनुवार नै हुन । दिव्य दृश्य इन्टरटेन्टमेन्टको ब्यानरमा निर्माण हुने सिनेमा कमेडी जनरामा आधारित रहने बताइएको छ । नबीन मानन्धर र सुरज सुनुवारले निर्माण गर्ने सिनेमाका कार्यकारी निर्माता डायमण्ड उप्रेती हुन् ।शिशिर बिशंखेले छायांकन गएका छन । सिनेमाको छायांकन इटहरी, धरान, दार्जलिंग र काठमाडौंमा भएको छ । ‘ अहिलेको दर्शकहरुको चाहना अनुसार पूर्ण मनोरञ्जन दिने उदेश्यका साथ सिनेमा निर्माण गर्न लागेको कलाकार तथा निर्माता नबीन मानन्धरले बताए । सिनेमामा अनमोल गुरुङको संगीत रहनेछ । प्रकाश भुजेल प्रोडक्सन म्यानेजर तथा प्रदीप भण्डारी लाइन प्रोडुसर हुन ।