‘गोर्खा वारीयर’ का निर्देशक मिलन र नायक रितेश चाम्स शिक्षामन्त्रीद्वारा धरानमा सम्मानित

पछील्लो समय चर्चा रहेको बहुप्रतिक्षित चलचित्र ‘गोर्खा वारीयर’ का निर्देशक मिलन चाम्स र मुख्य कलाकार नायक रितेश चाम्स धरानमा सम्मानित भएकाछन । चलचित्रको प्रदर्शन मिती नजिकिए सङै व्यस्त बनेका नायक चाम्स र निर्देशक चाम्स लाई मङगलबार धरानमा सम्मान गरिएको हो । व्यस्तताको कारण निर्देशक चाम्स उपस्थित हुन नसके पनि नायक चाम्सलाई प्राध्यापक डाक्टर टङ्कप्रशाद न्यौपाने अध्ययन अनुसन्धान केन्द्र धरानले सम्मान गरेको हो । चाम्स केन्द्रले आयोजना गरेको भयवाद विमर्श एवम सम्मान कार्यक्रमका प्रमुख अतिथी नेपाल सरकारका माननीय शिक्षा विज्ञान तथा प्रविधी मन्त्री अशोक कुमार राईद्वारा सम्मानित भएका हुन । उनलाई दोसल्ला र सम्मान पत्र सहित सम्मान गरिएको हो ।

नेपाली चलचित्र क्षेत्रमा अतुलनिय योगदान गरेको र ‘गोर्खा वारीयर’ जस्तो ऐतिहासिक चलचित्र निर्माण निर्देशन गरी नेपाली चलचित्रको गरिमा उच्च पार्दै विश्वसामु पुर्याएको भन्दै चाम्सलाई सम्मान गरेको आयोजकले जनाएकोछ । यही ऐतिहासिक चलचित्र मार्फत चलचित्र क्षेत्रमा डेब्यु गरेका नायक रितेश चाम्सले आफ्नो अभिनय क्षमता देखाएर बहादुर गोर्खाहरुको ईतिहासलाई पर्दामा देखाएकोमा आफुहरु निकै प्रभावित र गौरवान्तिव भएको आयोजक डाक्टर टङ्कप्रशाद न्यौपाने अध्ययन अनुसन्धान केन्द्र धरानका अध्यक्ष प्राध्यापक डाक्टर रमेश घिमिरेले बताए ।

कार्यक्रमका प्रमुख अतिथी शिक्षा विज्ञान तथा प्रविधी मन्त्री अशोक कुमार राईले ‘गोर्खा वारीयर’ को बारेमा आफुले सामाजिक संजालबाट धेरै कुरा थाहा पाएको सुनाउदै समय मिले सिनेमा हेर्ने इच्छा रहेको बताए । विश्वमा नेपालीहरु वीर गोर्खाली भनेर चिनिएकाछन अझ यो सिनेमाले नेपालीहरुको ईतिहास बारे अहिलेका पुस्ता र विश्वसामु चाइनाउन मदत पुग्ने अपेक्षा रहेको भन्दै निर्माण टिमलाई धन्यवाद दिए । कार्यक्रमका बिशेष अतिथी केन्द्रका आधार व्यक्तित्व प्राध्यापक डाक्टर टंक न्यौपानेले आफ्नो नाममा साथीहरुले स्थापना गरेको अनुसन्धान केन्द्रबाट नेपाली सिनेमा जगतका सिनेकर्मीहरुलाई सम्मान गरेको देख्न पाउदा आफुलाई खुशी लागेको बताए । उनले अक्सर गरेर यो अनुसन्धान केन्द्रले साहित्य क्षेत्रका लाई अलिक बढी प्राथमिकता दिएपनी सिनेमा पनि साहित्य र गज्जबको सिर्जना भएकोले सिनेमा क्षेत्रका व्यक्तिहरुलाई सम्मान गरेर राम्रो गरेको सुनाए । उनले केही दिन अघी भएको गोर्खा वारीयरको पत्रकार सम्मेलनमा आफु पनि सहभागी हुने मौका पाएको र फिल्मको बिषयमा धेरै कुराको जानकारी रहेको बताए ।

कार्यक्रममा प्रदेश सभा सदस्य बिजय राई र रमेश बस्नेतको पनि उपस्थित रहेको थियो । दोस्रो विश्वयुद्ध अन्तर्गत मलायाको युद्धमा गोर्खा सैनिकले वीरताका साथ लडेर हासिल गरेको सफलतासँगै उनीहरूको सङ्घर्षको कथा बोल्ने ‘गोर्खा वारियर’ बाट रितेश चाम्सले डेब्यू गरेका छन् । गोर्खा वारीयर यही फागुन ५ गते धरानमा ग्राण्ड रेडकार्पेट प्रिमियर शो र फागुन ११ गतेदेखी देशैभरी एकसाथ प्रदर्शनमा आउँदैछ ।