पोस्टर रिलिज संगै चर्चा पाएको ‘सतिदेवी’ ले रिलिज अगावै दुई अवार्ड जित्यो

चलचित्र ‘सतेदेवी’को पहिलो पोस्टर सार्वजनिक भएदेखीन निकै चर्चा छ । फर्स्ट लुक्सबाट चर्चा पाएसङै मख्ख भएको निर्माण टिमले फिल्मको कुनै टिजर, गीत ट्रेलर रिलिज नगरीनै अवार्ड जित्न सफल भएकोछ । ‘सतिदेवी’ ‘सौराहा दक्षिण एसियाली फिल्म महोत्सव’मा उत्कृष्ट चलचित्र घोषित हुँदै रु ५० हजार नगद सहित सम्मानित भएको छ । यसै चलचित्रबाट निर्देशक सुबेदीले स्व. शिव रेग्मीको नाममा समर्पित ‘शिव रेग्मी सर्वोत्कृष्ट निर्देशक’को अवार्ड पनि जितेका छन् । यस्तै सर्वोत्कृष्ट सम्पादक ‘नाङ्गो गाउँ’बाट बनिशा शाह, सर्वोत्कृष्ट छायाँकार ‘बिच्छेद’बाट संकल भुजेल, सर्वोत्कृष्ट लेखन ‘बिच्छेद’बाटै सत्यराज चौलागाईं र मुकुन भुसालले प्राप्त गरे भने रोशनकुमार श्रेष्ठद्वारा निर्देशित गीति चलचित्र ‘भाग्य’ले ‘जुरी इन्करेजमेन्ट अवार्ड’ जित्यो । महोत्सवमा दक्षिण एसियाली मुलुकहरुबाट ४० भन्दा बढी चलचित्र सहभागी भएकोमा २० वटा मात्र प्रदर्शन गरिएको आयोजक विमल पौडेलले जानकारी गराए । महोत्सवको निर्णायकमा निर्देशक एवं सम्पादक लभ प्याकुरेल संयोजक र नेपाल पत्रकारिता विकास समाजका अध्यक्ष माधवप्रसाद तिवारी र चलचित्र निर्देशक समाजकी निवर्तमान अध्यक्ष रक्षा सिंह राणा सदस्य थिए ।

चलचित्रमा मलिका महतसँगै हर्षिका वली, मञ्जिला बानियाँ(बाल कलाकार), सन्दीप बाबु लोहनी, रमेश बुढाथोकी, कुलदीप अधिकारी, भोला सापकोटा, सृजना अधिकारी, सुजिता सिवाकोटी, सन्देश लिम्बु, मनिषा सापकोटा, जयन्त रेग्मी, बिमल श्रेष्ठ, देव महर्जन, तुलसी श्रेष्ठ, इभेन जोशी, इश्वरी सिंह, पवन केसी र जगदिश अधिकारीको अभिनय छ ।बाबु श्रेष्ठको छायांकन रहेको चलचित्रमा तारा थापा ‘किम्भे’को सम्पादन, दीपक शर्मा र सुवास थापाको संगीत, रामजी लामिछानेको कोरियोग्राफी, देव महर्जनको एक्सन छ । दिलासा, सारा र श्रीदेवी सुवेदीको लगानीमा बनेको चलचित्रमा लेखन पनि निर्देशक सुवेदीको नै छ । यो चलचित्रको प्रदर्शन मिति तय गरिएको छैन ।