निर्माण घोषणा देखी चर्चामा आएको ‘पुजार सार्की’ को छायांकन सुरु

चकलेटी हिरो नामले परिचित तीन हिरोहरु अब एउटै पर्दामा देखिन लागेको चलचित्र ‘पुजार सार्की’ को चर्चा निर्माण घोषणा देखिनै भएको हो । निर्माण घोषणा संगै कलाकारहरुले फटाफट फोटोहरु पोस्ट गर्न थाले । बिशेषगरी अन्जना बराइली,परीक्षा लिम्बु र आर्यन सिग्देलले पल पल को अपडेट दिए । तर अर्का मुख्य कलाकारद्वय प्रदीप खडका र पल शाहले भने खासै पोस्ट गरेनन । उही समयदेखी सर्वत्र चर्चामा रहेको ‘पुजार सार्की’ को केहीदिन अघी पोस्टर सार्वजनिक भयो । उक्त्त पोस्टरमा चकलेटी हिरो नामले परिचित तीन हिरोहरुलाई बुढेसकालको गेटअपमा प्रस्तुत गर्‍यो । तर नायिका द्वय परीक्षा लिम्बु र अन्जना बराइली भने पोस्टरमा अटेनन । पोस्टर रिलिज हुन साथ फिल्मको अन्तररास्ट्रीय अधिकार पनि बिक्री भयो । निर्माण टिमको खुशी को सिमा रहेन अब फिल्मले गज्जबको व्यापार गर्नेमा ढुक्क छन निर्माण टिम ।

गत मङ्सिर २५ गते निर्माण घोषणा गरिएको ‘पुजार सार्की’  माघ १० गते फ्लोरमा जाने मिती तय गरेपनी ६ दिन ढिलागरी आज माघ १६ गते सहिद दिवसको दिन पारेर छायांकन सुरु गरेकोछ । मंगलबार कास्की जिल्लाको कास्कीकोटमा भएको मुहूर्तसँगै चलचित्र छायाङ्कनमा गएको छ ।चलचित्र युनिट कास्की जिल्लाको कास्कीकोट गाउँ पुगेको थियो । चलचित्रको छायाङ्कन सोही गाउँमा हुनेछ ।बिकास सुवेदीको लेखन, दिनेश राउतको निर्देशन र सुभाष भुषालको निर्माण रहने फिल्म ‘पुजार सार्की’ मा एक साथ काम गर्दैछन । फिल्मका लेखक विकास सुवेदीसँग निर्देशक राउत र प्रदीपले यसअघि ‘प्रकाश’मा सहकार्य गरिसकेकाछन । फिल्म को नामलाई लिएर धेरैको कौतुहलता भएपनी एक कम्युनिष्ट व्यक्तिले जातिय समानताको लागि कसरी आफूलाई सार्कीमा बदल्छ भन्ने विषयमा आधारित भएर सिनेमा बन्ने निर्माण टिमको दावी छ ।चलचित्रले स्टारर हरूले कसरी मिलेर काम गर्नुपर्दछ भन्ने सन्देश दिन निर्देशकले पनि चाहेका छन् । प्रदीप र पल पनि ‘पुजार सार्की’लाई व्यापारिक र समीक्षागत दुवै तवरले सफल बनाउन कस्सिएका छन् ।