‘उपहार’ को गीत ‘मुटुको चार आना’ रिलिज

चर्चित नायिका रेखा थापाको प्रस्तुती रहेको चलचित्र ‘उपहार’ को दोस्रो गीत मुटुको चार आना बोलको रिलिज भएको छ । लोक भाकाको डान्सिङ बिट रहेको गीतमा फिल्मका मुख्य कलाकारहरु रेखा थापा, बेनिशा हमाल, पूजा शर्मा, किरण केसी, राजाराम पौडेल, शिशिर राणा, निर्मल शर्मा, रामचन्द्र अधिकारी र विनोद कुमार पौड्याललाई फिचर्ड गरिएको छ । समिक्षा अधिकारी महेन्द्र बिक को आवाज रहेको गीतमा अर्जुन पोखरेलको संगीत तथा मुक्त उदासको शब्द रचना र कविराज गहतराजको कोरियोग्राफी रहेको छ । ‘उपहार’ सामाजिक विषयवस्तुमा आधारित रहेकाले सिनेमामा हाँस्यरसदेखि रोदनसम्म सबै कुराको समिश्रण रहेको निर्देशक देउजा बताउँछन् । ‘उपहार’ महाशिवरात्रिको अवसर पारेर फागुन २५ गतेबाट प्रदर्शनको तयारीमा रहेको छ ।

                   ज्ञानेन्द्र देउजाको निर्देशनमा निर्माण भएको ‘उपहार’मा मुकुन भुषाल, तेज गिरी, समर्पणजंग कार्की शिशिर राणा, सुष्मा कार्की, अंशु महर्जन, आशा भुुषाललगायतको पनि अभिनय छ । अभिनेत्री थापाका श्रीमान् बलराम शाही ठकुरी कार्यकारी निर्माता रहेको सिनेमाका निर्माता सुलभ प्रतिक र समीक्षा देउजा हुन् । रेखा फिल्मस् र कपनगढी फिल्मस्को ब्यानरमा निर्माण भएको सिनेमामा विष्णु कल्पित घिमिरेको छायांकन, अर्जुन पोखरेल र बाबुल गिरीको संगीत, मित्र डि गुरुङको सम्पादन, सुलक्षण भारतीको कथा, भारतीका साथै अभिमन्यू निरवी र माधव शर्माको पटकथा तथा संवाद, अनुपम गौतमको भीएफएक्स र रोशन श्रेष्ठको द्वन्द्व निर्देशन छ । करण श्रेष्ठको रिच इनटरटेनमेन्टले काठमाडौं र एफडी कम्पनीले मोफसलमा वितरण गर्ने सिनेमामा संगीतकार अर्जुन पोखरेलको पनि संगीत रहेको छ ।’उपहार’ जर्नी अफ लाइफ हरेक दर्शकहरुको सुन्दर उपहार बनेको निर्माण टीमको दावी छ  ।