प्रेम र धोकाले शृजना गरेको हिंसाको “परिणाम” सार्वजनिक

सामाजिक अवस्था, प्रेम र धोकाले शृजना गरेको हिंसा र बाल मनोविज्ञानमा आधारित कथावस्तु रहेको म्युजिक भिडियो “परिणाम” बुधबार साइराम पिक्चर्स युट्युब च्यानलमार्फत सार्वजनिक गरिएको छ। साक्षी-श्रेयको शब्द, संकेत अगस्तीको संगीत र श्रेय अगस्तीको स्वर रहेको उक्त गीतमा अभिनयमा दर्जनौ म्युजिक भिडियो,अनेकौ फिल्म , अभियान, राम साहिलि , म पर्खिरहन्छु , छक्का पन्जा ४ लगायत भरखरै पर्दसन भएको भस्मे डन मुभीमा समेत अभिनय गर्नुभएको पुर्ब का चर्चित मोडल तथा कलाकार दिनेश कोइराला, को म्युजिक भिडियो र टिकटकमा छुट्टै छाप छोडेकी अभिनेत्री स्मारिका ढकाल र “परिचय”,”चरी” जस्ता म्युजिक भिडियोमा अभिनय गरिसकेका कमल सिंह मुख्य भूमिकामा देखिएका छन् भने बाल कलाकारमा नूर दाहालको बेजोड अभिनय देखिन सकिन्छ।

जबरजस्ती आफुले मन पराएकी केटीलाइ आफ्नो बनाउने एउटा नकारात्मक पात्र रहेको बबी दाइको नकारात्मक चरित्रले आफ्नी श्रीमती र उसको प्रेमीको हत्या गरेको परिणाम आफ्नै छोरोले उसको हत्या गर्ने एउटा फरक कथावस्तुमा आधारित परिणामले समाजमा सही निर्णय नलिँदा आफुले पनि र अरुले पनि परिणाम भोग्नुपर्ने बाध्यता कथामार्फत दर्शाइएको छ। विशाल निरौलाको संगीत सम्योजन, रन्जन राइको रेकर्ड/मिक्स/मास्टरिङ, दिनेश पराजुलीको छायांकन, शिलान लम्सालको सम्पादन, पुनम चौधरीको शृंगार, खेमनाथ खनालको स्क्रिनप्ले र क्रियेटिभ निर्देशनमा बनेको परिणामको निर्माता सुनिता ढुंगेल हुन् भने निर्देशन र कथा संकेत अगस्तीको रहेको छ। म्युजिक भिडियोले जीवनमा रिस र अहंकारले कहिले सुख दिँदैन भन्ने सन्देश दिएको कलाकार संघ प्रदेस १ उपाध्यक्ष तथा चलचित्रकर्मी महासंघ कोशी प्रदेशका का महासचिब समेत रहेका कलाकार दिनेश कोइरालाले जानकारी दिए ।