धरानका दर्शकले ‘दुई कदम’ रुचाए (भिडियो )

आजबाट प्रदर्शनमा आएको चलचित्र ‘दुइ कदम’ को धरानको फ्रेण्ड्स सिनेमाजमा   पहिलो शो लगभग ८० प्रतिशत भरिएको छ । फिल्म हेर्ने अधिकांस दर्शकले फिल्म मन पराएकाछन । कोशी प्रदेशको संखुवासभा, धनकुटा, तेह्रथुम धरान लगायतका सुन्दर दृश्यहरुले दर्शकको मन खिचेको दर्शकहरुले सुनाए । फिल्म अहिलेको पुस्ताको लभ स्टोरी र पुर्वका रैथाने लिम्बु जातीहरुको कथालाई जोडेर निर्माण गरेको ‘ दुई कदम’ ले दर्शकको साथ पाउने देखिन्छ । फिल्म हेर्न मोफसलका थुप्रै कलाकारहरु पुगेका थिए । उनिहरुले फिल्म का मुख्य कलाकार एओन लिम्बुको अभिनयको तारिफ गरे । हलमा युवतीहरु एओन हुटिङ दिरहेका थिए । अहिलेको पुस्ता र अन्तरजातीय प्रेम सम्बन्धमा आएका उतारचढाबलाई निर्देशक उदय सुब्बाले गज्जबले प्रस्तुत गरेकाछन । पुर्व नेपालको लिम्बु समुदायको एक युवा र आर्यन समुदायकी युवतीको कथालाई प्रस्तुत गर्न खोजिएको छ । अहिलेको जमनाका युवायुवतीहरुको एक अर्का प्रतीको प्रेम आकर्षणलाई निर्देशकले गज्जबले प्रस्तुत गरेकाछन ।

उदय सुब्बा निर्देशित सिनेमामा वर्षा र इओनका अलवा सुनिल थापा, कविता आले, सुरवीर पन्डित, प्रेम सुब्बा र गौरव पहारी, बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको अभिनय रहेको छ ।अजम्बरी फिल्मस्को व्यानरमा निर्माण भएको सिनेमामा तारा देवी लिम्बुको लगानी रहेको छ । सिनेमामा सिनेमाको एक गीतमा अभिनेता विल्सन विक्रम राईले पनि विशेष भुमिका निवार्ह गरेका छन् । सिनेमाको छायांकन पूर्वका धनकुटा, तेह्रथुमको वसन्तपुर, इलाम, झापा र धरानमा गरिएको हो । दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन फिल्ममा रहेको छ ।