हिन्दी चलचित्र ‘ऐरी’ मा प्रदीप खडका (मोशन पोस्टर)

चर्चित नायक प्रदीप खडका हिन्दी चलचित्र  ‘ऐरी’मा अनुबन्ध भएका छन । खड्काले काम गर्न लागेको हिन्दी चलचित्र ‘ऐरी’को निर्माण घोषणा गरिएको छ । चलचित्रको मोसन पोष्टर सार्वजनिक गर्दै चलचित्र निर्माणको घोषणा गरिएको हो । यो चलचित्रको तयारीका लागि प्रदीप केही समयदेखि भारतमा नै छन् । आज सार्वजनिक भएको मोशन पोस्टरमा उनले कम्मरमा भिर्ने गरेको नेपालीको पहिचान खुकुरी शिरमा भिरेका छन । मोशन पोस्टर हेर्दा प्रदीप फिल्ममा एक शिकारीको रुपमा देखापर्दैछन । प्रदीपको यो पहिलो हिन्दी चलचित्र हो । भारतीय सिनेमाका वितरक सुवास काले, प्रशान्त कुमार गुप्ता र राजव कुँवरको लगानी रहनेछ । चलचित्रलाई जीवन थापाले निर्देशन गर्दै छन् ।चलचित्र आउँदो वर्ष रिलिज हुनेछ । निर्माण पक्षले प्रदीपको यो चलचित्रलाई उनको बलिउड प्रवेश भनेको छ ।सुवास काले तिनै वितरक हुन्, जसले ‘प्रेम गीत–३’ भारतमा वितरण गरेका थिए ।

यो चलचित्रलाई सन् २०२४ मा रिलिज गर्ने तयारी समेत गरिएको छ । बीग बजेटमा निर्माण हुने भनिएको यो चलचित्रलाई भारतका विभिन्न भाषामा निर्माण गरिने बताइएको छ ।यो चलचित्रमा प्रदीपको जोडीको रुपमा को देखिनेछिन्, सार्वजनिक गरिएको छैन । तर, ‘प्रेमगीत ३’बाट भारतीय चलचित्र निर्माताहरुसँग नजिक भएका प्रदीपले अब बलिउडको यात्रा तय गरेका छन् ।हिन्दीसहित विभिन्न भाषामा बन्ने चलचित्र बिग बजेटमा निर्माण गर्ने तयारी रहेको निर्माण पक्षले जनाएको छ । ‘ऐरी’मा कलाकारदेखि प्राविधिक सम्भव भएसम्म अधिकांश नेपाली नै रहने उनको भनाइ छ । “सकेसम्म कलाकारदेखि टेक्निसियनसम्म नेपाली नै राख्ने योजना छ,” उनले भने, “तर केही कलाकार बलिउडका पनि हुन सक्छन् । तर यो निश्चित भने भइसकेको छैन ।” चलचित्र ‘ऐरी’को घोषणापछि बाह्रखरीसँग उनले नेपाली चलचित्रलाई बलिउडमा प्रवेश गर्ने यो सुनौलो मौका प्राप्त हुने बताएका हुन् ।