‘दुई कदम’को तेस्रो गीत डान्सिङ नम्बरमा बर्षाको बबाल डान्स

यही मङसिर २९ गतेबाट प्रदर्शनको तयारीमा रहेको चलचित्र ‘दुइ कदम’ को तेस्रो गीत रिलिज भएको छ । गीतमा आशिष अबिरल र निरुषा भट्टराईको स्वर, निरुषाको शब्द र आशिषको संगीत छ । गीतमा आशिषकै एरेन्ज तथा मिक्सिङ र मास्टरिङ छ । क्लब डान्स बिटमा रहेको ‘ए मेरा बाबैनी’ बोलको गीतमा फिल्मका मुख्य कलाकार इओन लिम्बु सँग चर्चित नायिका बर्षा शिवाकोटीको बबाल डान्स देख्न सकिन्छ । भर्खरै सुपरहीट फिल्म परदेशी – २ दिएकी बर्षाको इन्ट्री पुरै चलचित्रमा नभएर एक गीतको लागी हो । ‘दुई कदम’को एक गीत ‘ये मेरा बाबै नि’ बोलको गीतमा बर्षाले राम्रो प्रस्तुती दिएकिछीन । वर्षा सिनेमाको यही गीतमा मात्रै देखिने छिन् । डेव्यु अभिनेता लिम्बु पहिलो सिनेमामा नै वर्षासँग स्क्रिन सेयर गर्न पाउँदा मख्ख छन् । सिनेमाको सार्वजनिक गीतमा आशिष अविरलको संगीत तथा स्वर अनि निरुषा भट्टराईको शब्द रचनासँगै स्वर रहेको छ । कविराज गहतराजे कोरियोग्राफी रहेको गीतलाई सौरभ लामाले खिचेका हुन् ।

उदय सुब्बा निर्देशित सिनेमामा वर्षा र इओनका अलवा सुनिल थापा, कविता आले, सुरवीर पन्डित, प्रेम सुब्बा र गौरव पहारी, बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको अभिनय रहेको छ ।अजम्बरी फिल्मस्को व्यानरमा निर्माण भएको सिनेमामा तारा देवी लिम्बुको लगानी रहेको छ । सिनेमामा सिनेमाको एक गीतमा अभिनेता विल्सन विक्रम राईले पनि विशेष भुमिका निवार्ह गरेका छन् । सिनेमाको छायांकन पूर्वका धनकुटा, तेह्रथुमको वसन्तपुर, इलाम, झापा र धरानमा गरिएको हो । दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन फिल्ममा रहेको छ ।