यही २४ गतेबाट प्रदर्शनमा आएको चलचित्र ‘दिमाग खराब’लाई हलबाट उतार्ने निर्देशक निस्चल बस्नेतले घोषणा गरेका छन । चलचित्रका निर्देशक निश्चल बस्नेत र निर्माता रौनक विक्रम कँडेलले एक विज्ञप्ती जारी गर्दै विदेशी चलचित्र र नेपाली चलचित्रको शोज बाँडफाँडमा अन्याय भएको भन्दै चलचित्र उतार्ने घोषणा गरेका हुन् ।शुक्रबारदेखि बिदेशी चलचित्र सरह नेपाली चलचित्रलाई शोज नदिने र चलचित्र हलमा प्रदर्शन भइन्जेलसम्म ५०–५० प्रतिशत शेयर नपाउने हो भने चलचित्र हलबाट उतार्ने घोषणा गरिएको हो । निर्देशक बस्नेतले आइतबारदेखि दर्शकको अकुपेन्सी ‘दिमाग खराब’मा पनि उच्च भएको भन्दै शोज बाँडफाँडमा भने अन्याय भएको बताएका छन् । शुक्रबार खासै दर्शकको साथ नपाएको ‘दिमाग खराब’ ले शनिबारबाट भने वर्ड अफ माउथ पब्लिसिटीले दर्शकको साथ भरपुर पाएको थियो । दर्शकको उच्च माग हुँदाहुँदैपनी हलवालाहरुले शोजहरु नदिएको निर्माण पक्षको दावी छ।
सिनेमा आर्ट्स र ब्ल्याक हर्स पिक्चर्सको निर्माण रहेको सिनेमामा खगेन्द्र लामिछाने, दयाहाङ राई, स्वस्तिमा खड्का, अपर्ण थापा, विजय बराल, सुमन कार्की, पुष्कर गुरुङ, माओत्से गुरुङ, राजन खतिवडा, रमा थपलिया, गौरभी आरएल सिंह, गीत अधिकारी, कृष्णभक्त महर्जन, धीरज भट्ट, राहुल सिवाकोटी, नविन खड्कालगायतको पनि अभिनय छ ।निर्देशक निश्चल बस्नेत र अभिनेत्री सुपुष्पा भट्ट पनि सिनेमाको एक गीतमा विशेष भुमिकामा देखिएका छन् । आकाश बरालको लेखन र मनोज पण्डित स्क्रिप्ट डाक्टर रहेको सिनेमा राजनीतिक विषयमा केन्द्रित रहेर निर्माण भएको हो । सिनेमामा रौनक विक्रम कडेल निर्माता र सुरज बम ठकुरी कार्यकारी निर्माताको रुपमा रहेका छन् ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।