याक्थुङ चलचित्रकर्मी संघ केन्द्रीय समिती धरानले बलिहाङ तङ्नामको अवसरमा लारिङ्गे नाम्लिङ्गे थिम्बे – २०८० (देउसी- भैलो कार्यक्रम) मनाएका छन । सोमबार धरान ८ स्थित होटल कंचनजंघा परिसरमा याक्थुङ चलचित्रकर्मी संघले आयोजना गरेको कार्यक्रममा याक्थुङ परिकारका खानपिन तथा सांस्कृतिक कार्यक्रममा याक्थुङ (लिम्बू) जातिका खानाका परिकारसँगै कला, संस्कृति, भेषभूषा र सांस्कृतिक झाँकी प्रदर्शन गरिएको थियो ।बलिहाङ तङ्नामको अवसरमा लारिङ्गे नाम्लिङ्गे थिम्बे (देउसी- भैलो कार्यक्रम) घरघरमा गएर प्रदर्शन गरिंदै आएको भए पनि याक्थुङ चलचित्रकर्मी सङ्घ, नेपाल केन्द्रीय कार्यालय धरानको आयोजनामा एकै ठाउँमा उत्सवका रुपमा आयोजना गरिएको याक्थुङ चलचित्रकर्मी सङ्घ, नेपालका केन्द्रीय अध्यक्ष नवीन मेन्याङ्बोले जानकारी दिए ।
उत्सवमा याक्थुङ कला, संस्कृतिहरु धान नाच, ख्याली, पालाम, च्याब्रुङ नाच, आधुनिक लिम्बू गीत र लिम्बू नाचहरु प्रस्तुत गरिएको छ ।लारिङ्गे नाम्लिङ्गे थिम्बे-२०८० उत्सवमा चलचित्रकर्मीहरु, याक्थुङ चलचित्रकर्मीहरु, गायकगायिका तथा कलाकर्मीको उपस्थिति रहेको थियो । धरानका पूर्वमेयर मनोजकुमार मेन्याङ्बो स्थानीय राजनीतिकर्मी, समाजसेवी बलिहाङ तङ्नामको अवसरमा लारिङ्गे नाम्लिङ्गेमा उपस्थिति जनाएका थिए ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।