आम जनतालाई राजनितिले पार्ने प्रभाव ‘दिमाग खराब’

यस तिहारको छेको पार्ने पर्दर्शनको तयारी रहेको प्रतिक्षित चलचित्र ‘दिमाग खराब’ को चर्चा पछील्लो समय चुलिदै गएको छ । नेपाली चलचित्रलाई टर्निङ पोइन्ट दिने निर्देशकको रुपमा चिनिएका लुट फेम्ड निर्देशक निस्चल बस्नेतले निर्देशन गरेको अहिलेका चर्चित चलेका करिव आधा दर्जन स्टार कलाकारहरुको अभिनय रहेको चलचित्र ‘दिमाग खराब’ को ट्रेलर र गीतलाई दर्शक स्रोताले निकै रुचाएकाछन । यसैकारण पनि यही कार्तिक २४ गते बाट देशभरका सिनेमाहलहरुमा प्रदर्शनमा आउने ‘दिमाग खराब’ ले प्रदर्शनको पुर्वसन्ध्यामा पत्रकार भेटघाट गरी चलचित्रको बारेमा अझ बढी जानकारी दिएको छ । पछील्लो समय रिलिज चलचित्रहरुमा प्राय केन्द्रिय राजनिती देखाइएपनी ‘दिमाग खराब’ मा भने स्थानिय सरकार मेयरले स्थानियलाई कसरी मुठ्ठीमा राखेका छन भन्ने प्रस्तुत गरेका छन । नेपालमा गणतन्त्र आए संगै गाउ गाउमा सिंहदरबार भन्ने नारा भएपनी फिल्ममा भने गाउ गाउ मा सिंह जन्मेको कथालाई प्रस्तुत गरीएकोछ । सार्वजनिक ट्रेलरले एक भूईमान्छे कसरी देशमा नियमकानुनका बाबजुत मुठ्ठीभरका भ्रष्ट सत्ताधारीबाट शोषित र पीडित छन् भन्ने विषयको नेपथ्यमा उसले सोका विरुद्ध गर्ने संघर्षको कथालाई गज्जबके पेश गरेकोछ । तर निर्देशक निश्चल बस्नेतले प्रदर्शनको तयारीमा रहेको सिनेमा ‘दिमाग खराब’ राजनीतिक विषयबस्तुमा आधारित सिनेमा नभएको बताएका छन् । राजधानीमा आयोजित पत्रकार भेटघाट कार्यक्रममा राजनीति कसरी व्यक्तिसँग जोडिन्छ भन्ने कुरा मात्रै सिनेमाले समेटेको बताएका हुन् ।

आर्ट्स र ब्ल्याक हर्स पिक्चर्सको निर्माण रहेको सिनेमामा खगेन्द्र लामिछाने, दयाहाङ राई, स्वस्तिमा खड्का, अपर्ण थापा, विजय बराल, सुमन कार्की, पुष्कर गुरुङ, माओत्से गुरुङ, राजन खतिवडा, रमा थपलिया, गौरभी आरएल सिंह, गीत अधिकारी, कृष्णभक्त महर्जन, धीरज भट्ट, राहुल सिवाकोटी, नविन खड्कालगायतको पनि अभिनय छ । निर्देशक निश्चल बस्नेत र अभिनेत्री सुपुष्पा भट्ट पनि सिनेमाको एक गीतमा विशेष भुमिकामा देखिएका छन् । आकाश बरालको लेखन र मनोज पण्डित स्क्रिप्ट डाक्टर रहेको सिनेमा राजनीतिक विषयमा केन्द्रित रहेर निर्माण भएको हो । तिहारको अवसर पारेर आगामी कार्तिक २४ गतेबाट प्रदर्शनमा आउने सिनेमामा रौनक विक्रम कँडेल निर्माता र सुरज बम ठकुरी कार्यकारी निर्माताको रुपमा रहेका छन् ।