‘उपहार’ को पहिलो गीत रिलिज, रेखाको डान्स पावर उस्तै बबाल

चर्चित नायिका रेखा थापाको प्रस्तुती रहेको चलचित्र ‘उपहार’ को पहिलो गीत वा वा वा रिलिज भएको छ । डान्सिङ बिट रहेको गीतमा फिल्मका मुख्य कलाकारहरु रेखा थापा, मुकुन भुसाल, पूजा शर्मा,बेनिशा हमाल, तेज गिरी, समर्पण जङ कार्कीको बबाल डान्स देख्न सकिन्छ । शंकर अधिकारी घायलजी शब्द, बाबुल गिरिको संगीतमा रहेको गीतमा बाबुल र एलिना चौहानको स्वर रहेको छ । गीतलाई चर्चित कोरियोग्राफर कबिराज गहतराजले कोरियोग्राफी गरेकाछन । गीतको भिडियोको सुरुमै फिचर भएका रेखा र मुकुनको डान्स गज्जबको छ । यो गीतको भिडियो हेर्दा लाग्छ रेखा तेही समयकी चर्चित रेखा हुन जुन बेला नेपाली चलचित्र क्षेत्रमा धमका मच्चाएकी थिइन । गीतमा रेखाको पावरफुल डान्स गज्जबको छ ।

ब्लक्बस्टर फिल्म झिङ्गे दाउ निर्देशन गरेका निर्देशक देउजाले पहिलोपटक रेखा र पूजालाई एकसाथ पर्दामा ल्याउदैछन । डेढ करोड रुपैयाँ बजेट बताइएको ‘उपहार’ यही फागुन २५ गतेबाट देशव्यापी प्रदर्शन हुनेछ । फिल्मको पटकथा अभिमन्यू निरवीले लेखेका हुन् । ‘उपहार’ रेखा फिल्म्स र कपनगढी ब्यानरमा फिल्म निर्माण हुन लागेको निर्मात्री तथा मुख्य कलाकार रेखा थापाले जानकारी दिएकी छिन ।करण श्रेष्ठको रिच इनटरटेनमेन्टले काठमाडौं र एफडी कम्पनीले मोफसलमा वितरण गर्ने सिनेमामा संगीतकार अर्जुन पोखरेलको पनि संगीत रहेको छ ।’उपहार’ जर्नी अफ लाइफ हरेक दर्शकहरुको सुन्दर उपहार बनेको निर्माण टीमको दावी छ ।