‘हे हर्क’ गीतको भिडियो सार्वजनिक

धरान उपमहानगरपालिकाला चर्चित मेयर हर्क राज राइ ( हर्क साम्पाङ)लाई अघी बढन निर्देशन गरिएको ‘हर्क अघी बढ हर्क’ बोलको गीतको म्युजिक भिडियो सार्वजनिक भएको छ । हाइकिङ बाबा नामले परिचित गीतकार तथा समाजसेवी राजीव हलवाइको शब्द, निशान श्रेष्ठको संगीत र राजेश पायल राईको आवाजमा रहेको गीतको म्युजिक भिडियो सिल्भर इन्टरटेन्मेन्ट धरानले निर्माण गरेको हो । म्युजिक भिडियोको आज धरान स्थित फ्रेण्डस सिनेमामा एक कार्यक्रम आयोजना गरी सिल्भर इन्टरटेन्मेन्टकै युट्युब च्यानल मार्फत औपचारिक रुपमा सार्वजनिक गरिएको हो ।

आजको म्युजिक भिडियो सार्वजनीक कार्यक्रमका प्रमुख अतिथी साम्पाङ नै थिए । उनकै जीवनीमा आधारित भएर निर्माण गरिएको म्युजिक भिडियोमा उनको श्रमदान अभियानलाई बिशेषरुपमा प्रस्तुत गरिएको छ । साम्पाङ मेयर पदमा निर्वाचित भएदेखी यता उनले गरेको खानेपानी अभियान, वृक्षारोपण,लागुऔषध दुर्व्यासनी अभियान लगायत कार्यहरुलाई भिडियोमा प्रस्तुत गर्न खोजिएको छ । मेयर साम्पाङको जीवनीमा आधरित रहेर निर्माण गरिएको म्युजिक भिडियोको गीतले उनलाई निडर भएर, सबै जनतालाई समेटेर अगाडी बढन अनुरोध गरिएकोछ । तर साम्पाङहरेक अभियानमा सारथी बनेका उप मेयर आइन्द्र बिक्रम बेघालाई भने भिडियोमा समाबेश गरिएको छैन ।

म्युजिक भिडियो सार्वजनिक कार्यक्रमका प्रमुख अतिथी बनेर कार्यक्रममा पुगेका साम्पाङले भिडियो हेरेर आफु भावुक भएको बताए । आफुलाई यती धेरै माया गरेर काम गर्न हौसला दिदै निर्माण गरिएकोको भिडियो हेरेपछी आफुप्रती जनताको आशा अपेक्षा धेरै देखेको र त्यो आशा अपेक्षालाई कहिले पनि मर्न नदिने साम्पाङले बताए । आफुमा अझै धेरै काम गर्ने जिम्मीवारी र चुनौती रहेकोले सबैको साथ र सहयोगको अपेक्षा छ साम्पाङले भने । कार्यक्रमका बिशेष अतिथी उप मेयर आइन्द्र बिक्रम बेघाले म्युजिक भिडियो मार्फत धरानले गरिरहेको श्रमदानको सन्देश विश्वभर पुर्याएको बताए । धरानको बिकासमा जनताहरुले दिएको साथ आफुले प्रत्यक्ष देखेको र भिडियो मार्फत अझ स्पस्ट रुपमा देख्दा आफु निकै भावुक भएको बताए । भिडियो सार्वजनिक कार्यक्रममा गीतकार तथा समाजसेवी मिना सिङगक, नायिका रेखा लिम्बु, पत्रकार, श्रमदाता लगायतको उपस्थित रहेको थियो । गीतको छायांकन भुपेन्द्र लिम्बु तुम्बहम्फे,अदाम लिम्बु,फुर्बा चुक्टे सेर्पा, कमान सिंह राई राजेश शाक्य (टोनी) र राणाले संयुक्त्त रुपमा गरेका छन भने सम्पादन आदम लिम्बुको रहेको छ ।