सुरु भयो ‘महाजात्रा’ को छायांकन, हरिवंश क्यारेक्टर लुक्समै देखिए

यस बर्षको अन्त्यमा नेपाली चलचित्र बजारमा राम्रो व्यापर गर्ने तयारीका साथ निर्माण सुरु गरिएको ‘महाजात्रा’ आज शुभ मुर्हत संगै छायांकन सुरु गरिएको छ । लगभग ४५ दिनको सेड्युल सहित निर्माण टिमले आज शुभमुर्हत गर्दै छायांकन समेत सुरु गरेको छ । निमार्ण कम्पनी षट्कोण आर्ट्सले ‘महाजात्रा’को छायांकन बुढानीलकण्ठमा निर्माण गरिएको भव्य सेटबाट सुरु भएको हो । आज मुर्हत सहित कलाकार बिपिन कार्कीको एक दृश्य खिचेर छायांकन सुरु गरिएको हो । सफल चलचित्र ‘जात्रा’को दोस्रो श्रृंखला जात्रै जात्रा र तेस्रो श्रृंखलाको रुपमा ‘महाजात्रा’ निर्माण गरिएको हो । फिल्मको मुख्य सेटिङ काठमाडौं र आंशिक तराईको हुने निर्देशक तथा पटकथाकार प्रदीप भट्टराईले बताए । ‘सत्य लुक्दैन, झुटो टिक्दैन’ लाई ‘महाजात्रा’ बटमलाइनको रुपमा राखिएको छ । यो फिल्ममा बहुघटनाको कथावस्तु चित्रण हुने निर्देशक भट्टराईले बताए । ‘एउटा घटनाको जात्रा थियो । दुई टिमको घटनामा जात्रैजात्रा बन्यो । त्यो हिसाबले महाजात्रा धेरै घटनाको कथावस्तु हुने भट्टराईको दावी छ ।

जीवन समृद्ध तुल्याउने सपना र आपतकालीन रुपमा प्राप्त हुने अवसर व्यवस्थापन गर्दा आइपर्ने समस्यालाई रोचक रुपले प्रस्तुत गरिने सिनेमाको स्क्रिप्ट डाक्टरको रुपमा मनोज पण्डित छन् । दर्शकको विश्वास जितेर एकपछि अर्को सफलता प्राप्त गर्दै नयाँ रेकर्ड बनाइरहेको ‘जात्रा’ र ‘जात्रै जात्रा’ शृङखलाको आगामी सिनेमा ‘महाजात्रा’ निर्माण अगावै दर्शकमाझ प्रतीक्षित छ । म्याक्स दीपेश खत्रीले निर्माता रहेको ‘महाजात्रा’ कार्यकारी निर्माता रबिन्द्र सिंह बानिया हुन । एसोसियट निर्देशकमा जित बहादुर रुवाली, छायांकनमा पुरुषोत्तम प्रधान, द्धन्द्व निर्देशनमा कुमार महर्जन, नृत्य निर्देशनमा कविराज गहतराज, संगीतमा आशिष अविरल, मेकअपमा शमशेर लामा र प्रोडक्सन डिजाइनरमा रुपकप्रताप अधिकारी र भारत बाहेकको विदेश रिलिज एमएसएम इन्टरटेनमेन्टले गर्ने निर्माण टिमले जनाएको छ । फिल्ममा हरी बंश आचार्य , बिपिन कार्की , बर्षा राउत, रबिन्द्र सिंह बानिया, रबिन्द्र झा,प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ र बालकलाकार अर्बिन खडका रहेकाछन ।