दशैंको अवसर पारेर घटस्थापनाको दुई दिन अघिबाट प्रदर्शनमा आएको परदेशी -२ ले पहिलो हप्तामा आक्रमक ब्यापार गर्दै दोस्रो हप्तामा प्रबेश गरेको छ । सुरुवाती दिनमा औसत व्यापार गरेको सिनेमाले विकडेजबाट राम्रो पिकअप लिदै आज शुक्रबार दोस्रो हप्तामा प्रबेश गरेको हो । दर्शकको उल्लेखनीय उपस्थितिका साथ शुक्रवारबाट प्रदर्शन आरम्भ गरेको चलचित्रले शनिवार धेरै हलमा हाउसफुल दर्शक पायो । शनिवार उपत्यकासहित देशभरका हलमा यो चलचित्र हेर्न दर्शकको चाप रह्यो । हलबाट निस्किँदै गरेका अधिकांश दर्शकले चलचित्र एकदमै मन परेको बताएका छन् । अधिकांश दर्शक चलचित्र हेरेर निस्किँदा भावुक देखिएका थिए । उनीहरुले चलचित्रले घरी हँसाउँने, घरी रुवाउँने र धेरै दृश्यमा गम्भीर समेत बनाउने बताएका छन् ।चलचित्र हेर्न पुगेकामध्ये कोही एक्लै समेत देखिएका थिए भने कोही साथीभाई र परिवारसहित हल पुगेर चलचित्र हेरेका थिए ।पहिलो हप्ता दर्शकबाट अपार माया पाएको सिनेमाले दोस्रो सातामा पनि दर्शको राम्रो साथ पाउने अपेक्षा निर्माण टिमको छ ।
दोस्रो हप्तामा प्रबेश गर्दा फिल्मले पहिलो हप्ता बक्सअफिसमा करिब ३ करोड ३० लाख हाराहारी ग्रस कलेक्सन गरेको छ । पश्चिम नेपालका हलहरुमा हाउसफुलका साथ प्रदर्शन भएको फिल्मले पुर्वका हलहरुमा पनि दर्शकको साथ पाएको छ । प्रदर्शनको पहिलो दिन निराश जनक व्यापार गरेको फिल्मले वर्ड अफ माउथकै कारण राम्रो ब्यापार गरेको QFX बिर्तामोडका म्यानेजर केदार बस्नेत ले बताए । पश्चिम नेपालका दर्शकहरुले फिल्म अत्यधिक रुचाए त्यो तुलनामा पुर्वामा नचलेको बस्नेतले स्विकारे । पुर्वी नेपाल र पस्चिम नेपालमा हलमा फिल्म हेरेर निस्कने दर्शकको आँखा रसाएका दृश्य समाजिक सञ्जालमा छ्यापछ्याप्ती भेटिनुले पनि सिनेमा सफलताको बाटोमा हिडेको मन्न सकिन्छ । चलचित्रमा प्रकाश सपुत , केकी र अधिकारी वर्षा शिवाकोटीका साथमा प्रशान्त तामाङ, दीलिप रायमाझी, नीर शाह, देवेन्द्र बब्लु, रमा थपलिया, सबिन बास्तोला, रोशनी कार्की लगायतको समेत अभिनय छ । राजेश वंशल र निर्देशक रायमाझी मिलेर यो चलचित्र बनाएका हुन् । निर्देशक रायमाझीले यसअघि ‘गोर्खा पल्टन’ र ‘परदेशी’ जस्ता सुपरहिट चलचित्रहरू दिएका थिए । दर्शकको राम्रो साथ पाएपछि डेव्यु अभिनेता प्रकाश सपुत अभिनेत्री केकी अधिकारी, वर्षा सिवाकोटीलाई नारायणगढ, बुटवल, र नेपालगञ्ज पुगेर दर्शकसँग साक्षात्कार गर्नुका साथै दर्शकसँग सिनेमाको खुशी साटेका थिए । दर्शकबाट राम्रो साथ पाएपछि निर्माता राजेश बंशल र निर्देशक नारायण रायमाझिले खुशी व्यक्त गरेका छन् ।
