धरानमा केही समय देखी राम्रो गुणस्तरीय सिनेमा हलको माग बढीरहेको बेला अब अत्याधुनिक सुविधा सम्पन्न ‘फ्रेण्डस सिनेमा ‘ सन्चालनमा आएकोछ । धरान ८ मा रहेको बराह ग्रुपको भवनमा फ्रेण्ड सिनेमाको निर्माण सम्पन्न संगै शनिबारबाट सन्चालनमा आएकोछ । दुई ओटा सिनेमा दुई ओटा हल मध्ये हल १ चाँही कार्त्तिक ५ गते शनिबारबाट सन्चालनमा आएको फ्रेण्ड्स सिनेमाका म्यानेजर सन्देश घिमिरेले जानकारी दिनुभयो । यस भन्दा अगाडी गोर्खा सिनेप्लेक्सको नाममा हेमु थापालेनै हल संचालन गर्दै आउनु भएको थियो ।
गोर्खा डिपार्टमेन्ट को भवन बराह ग्रुपले खरिद गरेपछी पुरानो हल भात्काइएको थियो । हल भात्काइएपछी धरानमा राम्रो सिनेमाहलको अभाव रहेको थियो । २२० सिट क्षमता रहेको हलमा 4k प्रोजेकशन ,डल्बी एटमस साउण्ड सिस्टम, जेबिएल को साउण्ड सिस्टम , १८ बाइ ३४ को 3D पर्दा , गुणस्तरीय क्रिस्टी कम्पनीको प्रोजेक्टर र आरामदायी सिट , पारिवार सङ्गै बसेर हेर्न मिल्ने सोफा सिट राखिने म्यानेजर घिमिरेले जानकारी दिनुभयो । उदघाटन सङ्गै आज ४:३० को शो मा नेपाली चलचित्र ‘के घर के डेरा ‘ र साझ ७ बजे हिन्दी चलचित्र ‘कंतरा’ प्रदर्शन गरिएको थियो ।
