बिना सँग सेल्फी खिच्न सरोज र निक्सको होडवाजी

पछील्लो समयका हिट जोडीको रुपमा स्थापित हुँदै गरेका डान्सर द्वय सरोज प्रजा र बिना राउतको अभिनय रहेको अर्को नयाँ म्युजिक भिडियो ‘सेल्फी खिचौला’ रिलिज भएको छ । गीत गायिका रानी शाक्यकै अफिसियल युट्युव च्यानलबाट रिलिज गरिएकोछ । अहिलेका युवायुवतीहरुको फोटो खिचाइको पहिलो रोजाइ बन्दै गरेको पोज सेल्फी पोजनै हो । यही सेल्फी खिचेर सोसल मिडियामा अपलोड गर्न हरेक वर्गका मानिसहरु उत्साहित देखिन्छ । यही बिषयलाई समावेश गर्दै तयार पारिएको गीत ‘सेल्फी खिचौला’ मा रानी शाक्य र किरण भुजेलको स्वर रहेको छ ।

हरि उप्रेतिको शब्द रहेको गीतलाई नागेन्द्र श्रेष्ठले गज्जवको कम्पोज गरेका छन । ‘सेल्फी खिचौंला’ बोलको सार्वजनिक गीत सामाजिक सन्जालमा रमाएका युवायुवतीलाई मन पर्नेमा दुइमत छैन । रिलिज गीतमा यूवा यूवतीविच सेल्फी खिच्ने र माया पिरती साट्ने भावलाई उठान गरिएको छ । गीतका शब्दहरु टिकटकमा हिट हुन सक्छन् । प्रहिल कार्कीको निर्देशनमा तयार भएको यो भिडियोमा उत्तम हुमागाँइको छायांकन, सन्तोष राजबहाकको कोरियोग्राफी, राकेश दाहालको सम्पादन छ । भिडियोमा विना राउत, सरोज प्रजा र निक्स शर्माको अभिनय हेर्न सकिन्छ । भिडियोमा ३ जनाले गज्जबको नृत्य गरेका छन् ।