नेपाल चलचित्र कलाकार संघको कोशी प्रदेश शाखा गठन

कलाकार तथा नेपाल चलचित्र कलाकार संघका केन्द्रिय सदस्य पुष्प कुमार श्रेष्ठको संयोजकत्वमा नेपाल चलचित्र कलाकार संघको कोशी प्रदेश शाखा गठन भएको छ । संघको नेपाल चलचित्र उधोग र पेशाकर्मीको संरक्षण, सम्बद्दर्नका लागी संघको बिधानको परिच्छेद ९ दफा ४ अनुसार श्रेष्ठको संयोजकत्वमा समिती गठन गरिएको संघका केन्द्रिय अध्यक्ष मोहन निरौलाले जानकारी दिए । समितीमा पुष्प कु. श्रेष्ठको संयोजक, सह-संयोजक श्री पुरुषोत्तम कोइराला (दिनेश) – सुनसरी, सदस्य श्री हिमाल दहाल – सुनसरी, सदस्य श्री माधव केसी – इलाम, सदस्य श्री मेनुका माझी- मोरंग, सदस्य श्री रितेश जंग खत्री (पौडेल) – इलाम, सदस्य श्री गोपाल याकोन (मेगराज लिम्बु ) – झापा रहने गरी शाखा विस्तार गरिएको छ ।

प्रदेश शाखाले बाँकी सदस्यहरु अब बिस्तार गर्ने जनाएको छ । मोफसलमा रहेर कलाकारितामा निरन्तर लागिरहेका चलचित्र कलाकारहरुको हक हितका लागी गठन भएको शाखा संघलाई चलचित्रकर्मी महासंघ प्रदेश अध्यक्ष अरुण कुमार प्रधान, कलाकार तथा निर्देशक बिजय संयोक सुब्बा लगायत चलचित्रकर्मी हरुले शुभकामना प्रदान गरेका छन ।