वैज्ञानिकको कथा ‘ओपनहाइमर’ हेर्न बिर्तामोडका कलेज उर्लियो

मानवीय भावनाको सूक्ष्मता र विचारबारे विराटतामा जेलिएर बाँचिरहेको वैज्ञानिकको कथा रहेको अङग्रेजी फिल्म ‘ओपनहाइमर’ हेर्न बिर्तामोडका कलेजका बिधार्थीहरु उर्लेका छन । बिर्तामोडको चर्चित कलेजहरु निदी कलेज र बाल्मिकी कलेजका बिधार्थीहरु शुक्रवार बिर्तामोड स्थित वान स्टप मल मा रहेको QFX सिनेमामा पुगेका थिए । फिल्म बिशेषगरी बिज्ञान संकायका बिधार्थीहरुको कोर्ष सँग सम्बन्धित भएकाले पनि विज्ञान बिषय लिएर पढने बिधार्थीहरु आएका हुन । फिल्म अमेरिकी वैज्ञानिक जुलियस रोबर्ट ओपमहाइमरको जीवनमा आधारित जसले एटम बम बनाएका थिए उनै बैज्ञानीक को जीवनमा आधारित फिल्म भएकाले कलेजका संचालक हरुलाई पत्रनै काटेर बिधार्थीहरुलाई अनिवार्य रुपमा फिल्म हेर्न बोलाइएको हलका म्यानेजर केदार बस्नेत ले जानकारी दिए । बस्नेतका अनुसार फिल्म हेर्न आउने बिधार्थीहरुलाई हलको तर्फबाट ५० प्रतिशत छुट दिइएको थियो । आजको शिक्षा भनेको बिधार्थीको लागि मनोरन्जनका साथ साथै अघि बढन मद्दत गर्दछ त्यसैले पनि पुर्वको कलेजहरू अरू भन्दा सधै एक कदम अगाडी बढेर सोच्ने गरेको म्यानेजर बस्नेतको दावी छ ।

फिल्म हेरिसके पछी बाल्मिकी कलेजले आफ्नो अफिसियल फेसबुक पेजमा ‘चलचित्रहरू हेर्नु रमाइलो मात्र होइन तर एक प्रोत्साहनजनक शैक्षिक अनुभव पनि हो। OPPENHEIMER को कार्यक्रमले हाम्रा विद्यार्थीहरूलाई उनीहरूको पाठ्यपुस्तकहरूमा समेटिएको कुराभन्दा बाहिरको आणविक फ्युजनको संसारमा बहुमूल्य अन्तरदृष्टि प्रदान गर्‍यो।” भनी पोस्ट गरेका छन । यता निदी सेकेण्डरी स्कुल एण्ड त्रिवेणी कलेज बिर्तामोडले मुवी टाइम भनेर भिडियो नै अपलोड गरेर ‘ओपनहाइमर’ हेर्नै पर्ने फिल्म रहेको भनी पोस्ट गरेको छ । भिडियोमा कक्षा १२ को विज्ञान संकायका बिधाथीहरुलाई लाइन बद्द लगाएर हल तर्फ लगेको छ । एटम बमका पिता भनेर चिनिने ‘ओपनहाइमर’ बारेमा किताबमा मात्र पढेको भएपनी आज फिल्म हेरेर उहाको सम्पूर्ण जीवनी छर्लङ्ग गरी बुझ्न हेर्न पाएकोले आफुहरुलाई धेरै शिक्षा मिलेको फिल्म हेर्ने बिधार्थीहरुले अनुभव सुनाए । ‘ओपनहाइमर’ ती वैज्ञानिक हुन जसले एटम बम बनाएको कारण करिब एक लाख चालीस हजार व्यक्ति मारिएका थिए ।

फिल्मको पटकथा मा ओपनहाइमरले किन र कसरी एटम बम बनाउने म्यान ह्याटन प्रोजेक्टको नेतृत्व लिए, कसरी यो प्रोजेक्टलाई अगाडी बढाइयो, कसरी एटम बम बनाउने प्रयोगहरू भए, बम बनेपछि त्यसको प्रयोगप्रति उनको धारणा कस्तो थियो, त्यसपछि उनलाई संसारले कसरी हेर्‍यो लगायत प्रश्नहरूको जवाफ निर्देशकले गज्जबले दिएका छन । निर्देशकले ओपनहाइमरको व्यक्तिगत जीवन र उनको अरू वैज्ञानिकसँगको सम्बन्धलाइ पनि राम्ररी नियालिदिएका छन । ओपनहाइमरलाई ग्रीक माइथोलोजीको प्रोमिथियसको रूपमा देखाउन खोजेका छन् । जसरी प्रोमिथियसले भगवानबाट आगो चोरेर मानिसलाई दिए र आफू अनन्तकालसम्म यातना भोग्नुपर्ने श्रापबाट प्रताडित भए त्यसै गरी ओपनहाइमरले पनि एटमको विज्ञान पत्ता लगाएर मानव सभ्यतालाई दिए तर सधैँ भरी त्यसले निम्त्याएको विनाश र त्रासबाट प्रताडित हुनुपर्‍यो । प्रोमिथियसले जुन ज्ञान (आगो) भगवानबाट चोरेर मानिसलाई बाँडेका थिए त्यही आगो रुपी ज्ञान नै इतिहासको विभिन्न कालखण्डमा कहिले मानिसका निम्ति वरदान त कहिले अभिशाप हुँदै आएको छ ।