बर्ष २०८० कै सफल चलचित्र ‘जारी’ ले प्रदर्शनको १०० दिन मनाएकोछ । शनिवार राजाधानीमा टिमले १०० दिन सम्म सफलता साथ प्रदर्शन भएकोको सफलता मनाउदै केक काटेर खुशीयाली मनाएकोछ । १०० दिन सम्म सफलता पुर्वक प्रदर्शन को खुशीयाली मनाउन फिल्म का मुख्यकलाकार हरु दयाहाङ् राई, मिरुना मगर, लेखक निर्देशक उपेन्द्र सुब्बा, नायिका उपसना सिंह ठकुरी , कलाकार तथा लेखक खगेन्द्र लामिछाने ,लगायतको उपस्थिती रहेको थियो ।
यसै क्रममा जारी ले १०० दिन मनाएको खुशीयालीमा धरान स्थित फ्रेण्ड्स सिनेमाले ‘जारी’ हेर्न आउने दर्शकलाई रु १०० मा नै फिल्म हेराउने अफर दिएको छ । पछील्लो समय ‘जारी’ ले धरानमा धराने जनताले अत्यधिक रुचाएका थिए । ‘जारी’ ले ५१ औ दिन पनि धरानमै मनाएको थियो । हाल १०० दिन पुगेको अवसरमा ‘जारी’ हेर्न छुटेका दर्शकलाई उपहार स्वरुप रु १०० मा फिल्म देखाइएको ‘फ्रेण्ड्स सिनेमा’ धरानका म्यानेजर सन्देश घिमिरेले जानकारी दिए । बासुरी फिल्म्स ब्यानरमा कबड्डी फेम्ड निर्देशक राम बाबु गुरुङले निर्माण गरेको ‘जारी’ मा उपेन्द्र सुब्बाको लेखन तथा निर्देशन रहेको छ । ‘जारी’ मा दयाहाङ र मिरुनासँगै विजय बराल, प्रेम सुब्बा , मनिता जैका बान्तवा , रोयदीप श्रेष्ठ, रेखा लिम्बु, कमलमणी नेपाल, पुष्कर गुरुङलगायत कलाकारको अभिनय छ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।