याक्थुङ चलचित्रकर्मीहरुको महाधिवेशन धरानमा हुने

नेपालभर छरिएर रहेका याक्थुङ चलचित्रकर्मीहरु असार २ र ३ गते धरानमा जमघट गर्ने भएकाछन । याक्थुङ चलचित्रकर्मीहरु संगठित हुने उद्धेश्यले वि.सं. २०७८ सालमा कलाकार तथा चलचित्र निर्माता नविन सुब्बा (मेन्याङवो)को अध्यक्षतामा स्थापना भएको २१ सदस्यीय तदर्थ समिती  याक्थुङ चलचित्रकर्मी संघ केन्द्रिय समितीको स्थापना भएको याक्थुङ चलचित्रकर्मी संघ केन्द्रिय समितीको तीन बर्षे कार्यकाल समाप्त हुदै गर्दा बिधान अनुसार संघले यहि असार २ र ३ गते याक्थुङ उत्सव तथा ऐतिहासिक राष्ट्रिय महाधिवेशन – २०८० आयोजना गर्न लागेको आज धरानमा पत्रकार सम्मेलन गरी  जानकारी गराइएकोछ । असार २ र ३ गते हुने याक्थुङ उत्सव तथा ऐतिहासिक राष्ट्रिय महाधिवेशन – २०८० को पहिलो उदघाटन तथा खुल्लाशत्र हुनेछ ।

खुल्ला शत्रको उदघाटनमा ५० बन्द बढी च्याब्रुङ सहित सांस्कृतिक झाकी र  अन्य जातीय झाकीहरु प्रदर्शन गरिने छ । झाकी चुम्लुङ भवन धरान १५ बाट सुरु भएर भानुचोक ,छाताचोक ,सिंहदेवी चौक ,माछाभौडी हुदै पुन चुम्लुङ भवन धरान १५ मा आएर समापन हुनेछ ।  सोही दिन यस प्रदेश नेपालमा निर्माण भएका चलचित्रको पोष्टर सार्वजनिक गरिने र याक्थुङ बरिष्ठ चलचित्रकर्मी र याक्थुङ बरिष्ठ कलाकारको घोषणा गरी नगद सहित सम्मान गरिने छ । सोही दिन अर्थात असार २ गतेनै , याक्थुङ चलचित्र र चलचित्रकर्मीहरुको बर्तमान र भविष्य विषयक अन्तरकृया  कार्यक्रम समेत आयोजना हुने  संघका केन्द्रिय अध्यक्ष नविन सुब्बा मेन्याङ्बोले जानकारी दिए । महाधिवेशको उद्देश्य  याक्थुङ कला र  संस्कृतिको एतिहसिकता र गौरवलाई कायम राख्दै निरन्तरता दिनु पनि रहेको मेन्याङ्बोले बताए ।

कार्यक्रममा काठमाण्डौ, तेह्रथुम  , संखुवासभा, धनकुटा, झापा, मोरङ, सुनसरी , ईलाम,पाचथर र ताप्लेजुङबाट करिव ४०० जना सहभागीहरु रहने संघकी उपाध्यक्ष तथा  कार्यक्रमकी संयोजक मीना सिङ्गकले जानकारी दिइन । अनुमानित ६ लाख ६५ हजार लागतमा आयोजना हुन लागेको कार्यक्रममा चलचित्र क्षेत्रमा  अनवरत  रुपमा २५ बर्ष भन्दा बढी योगदान गरेका दुइजना बिसिस्ट व्यक्तीहरुलाई याक्थुङ बरिष्ठ कलाकार र चलचित्रकर्मी अवार्डबाट नगद सहित सम्मान गरिने सिङ्गक ले जानकारी दिइन । उपस्थित मध्ये  १०० जना प्रतिनिधीहरु बन्दशत्रमा सहभागी हुने छन र  बन्द शत्रबाट पुन नयाँ कमिटी चयन हुनेछ ।