चलचित्र ‘नांगो गाउँ’ को छायांकन चैत १० गतेबाट

समिक्षक तथा सफल निर्देशक दीपेन्द्र लामाको लेखन र निर्देशनमा निर्माण हुने चलचित्र ‘नांगो गाउँ’को छायांकन यही चैत्र १० गतेबाट सुरु हुने भएकोछ । चलचित्रलाई सफल बनाउन १५ दिनसम्म निर्देशन टिम, प्रोडक्शन डिजाइन टिम, छायांकन टिम र कस्ट्यूम टिमसँग अलग-अलग रुपमा वर्कशप गरिएको थियो । वर्कशपको अन्तिममा भने चलचित्रका मुख्य कलाकारहरु दयाहाङ राई, कर्म शाक्य , मिरुना मगर, शिशिर वाङ्देल, वुद्दि तामाङ, अंकित खड्का र रवीन्द्र झा सहभागी भएका थिए । वर्कशपमा कुनै पात्रले कुन संवाद किन बोल्दैछ ? कुन पहिरन किन पहिरिँदैछ ? कथालाई अगाडि बढाउन उसको भूमिका के हो ? जस्ता विषयमा छलफल गरिएको निर्माता  हिमाल शर्माले जानकारी दिए ।