भाईरल गीत धोकेवाजकी गायिका भोली इनरुवा महोत्सबमा

नेपाल चलचित्रकर्मी महासंघको आयोजना इनरुवा नगरपालिकाको संयोजनमा इनरुवामा जारी ‘इनरुवा उत्सव तथा चलचित्र महोत्सव २०७९’ मा थुप्रै नेपाली तथा भोजपुरी गायक गायीकाले आफ्नो प्रस्तुती दिरहेका छन । यसैक्रममा फागुन १७ गतेको दिन पछील्लो समय धेरैनै भाईरल भएको गीत ‘धोकेबाज हौ तिमी ‘ बोलको गीतकी गायिका एलिना चौहानले आफ्नो प्रस्तुती दिने भएकी छिन । इनरुवाको शान्ती चोकमा संचालन भैरहेको महोत्सवमा उनको विशेष प्रस्तुती बुधवार साझ ६ बजे हुने उत्सब संयोजक तथा नेपाल चलचित्रकर्मी महासंघ प्रदेश १ का अध्यक्ष अरुण कुमार प्रधानले जानकारी दिए । गत फागुन ७ गतेबाट संचालन भैरहेको महोत्सवमा स्थानिय भाषा, कला, साहित्य तथा नयाँ प्रतिभाहरुलाई प्रमुख प्राथमिकता दिइरहेको छ । साङगेतिक कार्यक्रमको प्रबेश शुल्क रु १०० राखिएको आयोजकले जनाएकोछ ।